Zajavy pra toje, što Biełaruś nibyta zhornie svoj udzieł u intehracyjnych prajektach na postsavieckaj prastory ŭ vypadku niepryznańnia Rasiejaj prezydenckich vybaraŭ, jakija źjavilisia ŭ niekatorych rasiejskich ŚMI, źjaŭlajucca «dezynfarmacyjaj i brudnaj pravakacyjaj».
Pra heta ahienctvu «Interfaks» zajaviŭ kiraŭnik Administracyi prezydenta Biełarusi Ŭładzimier Makiej:
«Heta čarhovaja pravakacyja ŭ dačynieńni da Biełarusi. Jany, na žal, pačaścilisia ŭ apošni čas».
Pavodle Makieja, «tolki chvoraje ŭjaŭleńnie aŭtaraŭ śpiecham zhatavanaj infarmacyjnaj «padrobki» mahło pradstavić mahčymaść źjaŭleńnia niejkich ultymatyŭnych zajaŭ prezydenta Biełarusi z nahody vychadu respubliki ź lubych intehracyjnych pracesaŭ». Całkam vidavočna, što Łukašenka u pryncypie nikoli nia moh hetaha zajaŭlać. Tym bolš u hetyja dni na niejkich «zakrytych» naradach, kali jon znachodzicca z rabočym vizytam u Turcyi, dzie abmiarkoŭvajucca pytańni raźvićcia dvuchbakovych palityčnych, handlova-ekanamičnych adnosin pamiž krainami».
Jon uziaŭ pad sumnieŭ toje, što «dadzienaja dezynfarmacyja, jakaja źjaviłasia ŭ ŚMI, zychodzić pa ŭkazańni vyšejšaha kiraŭnictva Rasiei. Chutčej za ŭsio, heta čarhovaja «miadźviedžaja pasłuha» dalokich ad realnaj analityki parkietnych pisak i padobnych im palitolahaŭ, jakija ŭ siłu svajho intelektu i «daśviedčanaści» nia ŭ stanie prydumać choć niekalki praŭdapadobnuju «padrobku» i chacia b jak minimum aznajomicca z vykazvańniami prezydenta Biełarusi pa dadzienaj temie».
