Biełaruś hatova dać KNR samyja šyrokija mahčymaści dla inviestavańnia, «tamu što Kitaj nikoli nie ahavorvaje svaje inviestycyi palityčnymi ŭmovami». Ab hetym zajaviŭ Alaksandr Łukašenka ŭ intervju centralnym kitajskim ŚMI 8 kastryčnika, napiaredadni svajho rabočaha vizitu ŭ KNR.
Siońnia frahmienty intervju publikuje dziaržaŭnaje ahienctva BIEŁTA.
Pavodle słoŭ Łukašenki, u Biełarusi «chapaje prapanoŭ» ad zamiežnych inviestaraŭ. «Ale
ja chacieŭ by zbałansavać i nie dapuścić pamyłki, krenu ŭ adzin niejki bok, u bok adnoj dziaržavy, — padkreśliŭ jon. — Mnie chaciełasia b, kab tut akramia Rasii, Jeŭrasajuza prysutničała jašče adna takaja mahutnaja dziaržava, jak Kitaj, razam z Amierykaj».Jon zajaviŭ, što Biełaruś nie pamyliłasia, uklučyŭšy aktyvy ŭ juaniach u zołatavalutnyja reziervy, chacia hetaja valuta pakul nie stała svabodna kanviersoŭnaj. «Heta pakul nie staŭ juań svabodna kanviersoŭnaj valutaj, — pierakanany Łukašenka. — Juań stanie svabodna kanviersoŭnaj valutaj tady, kali hetaha zachoča Kitaj. Jak tolki Kitaj hetaha zachoča — na praciahu hoda juań stanie svabodna kanviersoŭnaj valutaj. Ekanomika raście ŭ Kitai siamimilnymi krokami jašče i tamu, što vy pravodzicie vielmi pravilnuju finansavuju palityku».
«Što da našaj pryviazki biełaruskaha rubla, u tym liku da juania, to my bačym pierśpiektyvu juania. Zaŭtra juań budzie svabodna kanvienrsoŭnaj valutaj,
Łukašenka adznačyŭ, što Kitaj vydatna pakazaŭ siabie va ŭmovach kryzisu, praciahvajučy paśpiachova raźvivacca. «Dakładna tak i ŭ nas nie było admoŭnaha raźvićcia (my choć
Jon upeŭnieny ŭ tym, što chutka Kitaj budzie pieršaj ekanomikaj śvietu.«I toje, što my pryniali ŭ svoj čas rašeńnie, pryviazaŭšy našu valutu da juania, tut, ja dumaju, my taksama nie pamylilisia, jak kaliści nie pamylilisia ŭ našych adnosinach z Kitajskaj Narodnaj Respublikaj, vielmi ciesnych, stratehičnaha płana», — padkreśliŭ Łukašenka.
Jon adznačyŭ značnuju padtrymku, jakuju Kitaj akazaŭ Biełarusi ŭ kryzisny i pastkryzisny pieryjad.
«Dastatkova skazać, što my ciapier prapracoŭvajem prajekty na 15 młrd dołaraŭ, jakija KNR hatova nam vydzielić, i jašče miljard ilhotnych kredytaŭ», — skazaŭ jon.
Pavodle jaho słoŭ, Kitaj moža vykarystać vyhadnaje hieahrafičnaje stanovišča Biełarusi dla taho, kab pryjści ŭ Jeŭropu. «KNR razumieje, što tut jaje siabry, i praź Biełaruś jana svabodna moža pryjści ŭ Jeŭropu. I pakolki Kitaj siabie pazicyjanuje jak najmacniejšuju dziaržavu, a tak jano i jość, biez supracoŭnictva ź Jeŭropaj, napeŭna, nie abyścisia», — padkreśliŭ Łukašenka.
