Padziei va ŭkrainskim uradzie vyklikajuć na Zachadzie razdražnieńnie. Bo zaraz kraina mahła b zblizicca z ES, piša Hierchard Hnaŭk, Die Welt, Niamieččyna.
Słovy, jakija siońnia, amal praz dva hady paśla mirnaj revalucyi, Zachodniaja Eŭropa adrasuje ŭkraincam, źbivajuć ich z pantałyku. Zhodna z apytańniami, hramadzianie EZ ličać Ukrainu bolš padrychtavanaj da ŭstupleńnia ŭ EZ, čym Turcyju. Adnak aficyjnyja pradstaŭniki EZ i eŭrapiejskich dziaržaŭ havorać Kijevu, što jany nie hatovyja razhladać siabroŭstva Ŭkrainy ŭ Eŭraźviazie navat u jakaści perspektyvy. Pry hetym užo nie havorycca, jak raniej, što pryčyna składanaściaŭ – u krainie-kandydacie. Naadvarot, «pryčyny ŭ samim Eŭraźviazie, jany nijak nie źviazanyja z pracesam refarmavańnia Ŭkrainy». Hetak na dniach amal va ŭnison zajavili niamiecki pasoł i pradstaŭnik EZ u Kijevie. Upaŭnavažany Bruselu pa vonkavaj palitycy Salana, jaki ŭčora prybyŭ u Kijeŭ na pieramovy, napeŭna, skaža prykładna toje ž samaje.
Takim čynam, sprava ŭ tym, kab napoŭnić sensam i perspektyvaj prastoru miž siońniašnim stanam i prahramaj maksymum, prahramaj na ŭstupleńnie. Zaplanavanaje novaje ramačnaje pahadnieńnie pra supracoŭnictva, i jaho padpisańnie musić być paskorana na samicie Ŭkraina-EZ, jakija adbudziecca praz tydzień u Chielsynki. Enerhietyčnaja palityka – heta tema razmovy miž Bruselem i Kijevam, i jana tym važniejšaja, čym aktyŭniej, jak stała viadoma, adpaviednyja rasiejskija i niamieckija kancerny planujuć budaŭnictva novaha abychodnaha šlachu, novaha prajektu paśla sprečnaha Paŭnočna-Eŭrapiejskaha hazapravodu.
Tym časam ukrainski prezydent Juščanka atrymaŭ učora novuju parazu — adstaŭku piaci blizkich jamu ministraŭ. Zachad taksama źbity z pantałyku tymi navinami, jakija jon atrymlivaje ź Kijevu.
Fota 5tv.com.ua
