Pra heta zajaviŭ 14 kastryčnika žurnalistam namieśnik ministra ekanomiki Biełarusi Anatol Fiłonaŭ.
«Kali Rasija płanuje vychad na roŭnadachodnaść pastavak hazu ŭnutry krainy i na ekspart da 2014 hoda, to i my pavinny padyści da takich cen u hety ž čas, tamu što našy vytvorcy pavinny być u roŭnych umovach», — skazaŭ Fiłonaŭ.
Jon nahadaŭ, što košt pastavak hazu ŭ Biełaruś zhodna z kantraktam, padpisanym pamiž kampanijami «Hazprom» i «Biełtranshaz», vyznačajecca pa formule ŭ zaležnaści ad cen na naftu. «Tamu cana płavajučaja», — zajaviŭ namieśnik ministra.
Pavodle słoŭ Fiłonava,
jon pakul nie hatovy nazvać košt hazu dla Biełarusi na 2011 hod.
Pytańni ab canie na haz i ab źmianieńni panižalnaha kaeficyjenta dla Biełarusi «buduć razhladacca ŭ kantekście dakumientaŭ, jakija rychtujucca dla pasiadžeńnia Sajuznaha Saŭmina 15 kastryčnika ŭ Maskvie», dadaŭ namieśnik ministra.
Ciapierašni kantrakt Biełarusi z «Hazpromam» zakančvajecca ŭ 2010 hodzie. Zhodna z dakumientam, z 2011 hoda Biełaruś pavinna płacić za haz pa jeŭrapiejskaj canie za vylikam roźnicy ŭ raschodach na transparciroŭku i 30% pošliny. Dla płaŭnaha pierachodu na 2008–2010 hady byli praduhledžany skidki da formuły cany: 33% — u
Pierajści na rynačnyja ceny pry apłacie hazu Maskva i Minsk źbiralisia razam z 2011 hoda. Ale ŭ suviazi z kryzisam rasijskaje kiraŭnictva pieraniesła dla svaich pradpryjemstvaŭ hety termin na 2014 hod.
