Pavodle pravaabaroncy Aleha Vołčaka, heta paćvierdziŭ supracoŭnik kalonii «Vićba-3», jaki siabie nie nazvaŭ. Pavodle hetaj krynicy, Alaksandr Kazulin i Siarhiej Skrabiec nie izalavanyja, jany praciahvajuć pracavać, ale ježy nie prymajuć.
Dziažurny kalonii «Vićba-3» u razmovie z karespandentam Svabody admoviŭsia dać jakich-kolviek źviestak pra stan zdaroŭja Alaksandra Kazulina i Siarhieja Skrabca.
Toje, što da haładoŭki Alaksandra Kazulina źbiraŭsia dałučycca były deputat Siarhiej Skrabiec, paćvierdziła žonka palityka Alaksandrna Skrabiec. Jana spasłałasia na list ad muža, što pryjšoŭ napiaredadni.
Nahadajem, eks-kandydat na prezydenta Alaksandr Kazulin, jakoha paśla vybaraŭ asudzili na 5,5 hadoŭ astrohu, pačaŭ haładoŭku 20 kastryčnika. Palityk pratestuje suproć niezakonnaha, jak jon uvažaje, znachodžańnia va ŭładzie Alaksandra Łukašenki i damahajecca razhladu «biełaruskaha pytańnia» ŭ Arhanizacyi abjadnanych nacyj.
Siarhiej Skrabiec byŭ asudžany letaś da 2,5 hadoŭ źniavoleńnia za vymańvańnie kredytu. Jon svaje viny nie pryznaŭ i zajaviŭ pra pieraśled pavodle palityčnych pryčynaŭ.
