Andrej Dźmitryjeŭ, kiraŭnik pieradvybarčaha štabu Uładzimira Niaklajeva, praviadzie noč u kruhłasutkavym pikiecie la mienskaha HUMu. «Kali našy ludzi tam stajać, to čamu ja nie mahu. Ja pavinien padtrymać ich. Pakazać, što heta nie tolki pijar, ale i praca kožnaha z nas», — paviedamiŭ spadar Dźmitryjeŭ.
Jon taksama zaklikaŭ usich hramadzian Biełarusi padtrymać pikiety demakratyčnych kandydataŭ usim, čym tolki možna: «My siońnia raspačali akcyju padtrymki pikietaŭ. Nie tolki ŭ Miensku, ale i pa ŭsioj Biełarusi. Zaprašajem achvotnych dałučacca da nas, prademanstravać salidarnaść z demakratyčnymi kandydatami. Heta vielmi važna», — zaznačyŭ kiraŭnik štabu Uładzimira Niaklajeva.
Pikietavać uviečary piatnicy la HUMa taksama źbirajecca śpiavak Źmicier Vajciuškievič.
