Jak akazałasia, videahostynh YouTube moža nia tolki vydalić abaronieny zakonam materyjał z svajho sajtu, ale i vydać dadzienyja karystalnika, jaki apublikavaŭ videa na sajcie. Tak adbyłosia z kinarežyseram Krysam Makarbelem (Chris Moukarbel) ź Ńju-Jorku.
Sioleta 24 traŭnia kinakampanija nakiravała pazoŭ u sud San-Francyska z patrabavańniem da YouTube vydać infarmacyju pra karystalnika, jaki raźmiaściŭ u ahulnym dostupie uryvak ź filmu «Twin Towers». Užo praz paru tydniaŭ źviestki byli pieradadzienyja jurystam kinakampanii.
Dla ekspertaŭ u halinie aŭtarskaha prava hety precedent staŭsia sapraŭdnym siurpryzam. Zamiest taho, kab prosta vydalić rolik z sajtu, jak heta było zroblena minułaj piatnicaj, kali kala 30 000 rolikaŭ byli vydalenyja pavodle patrabavańnia japonskich medyjakampanijaŭ, YouTube paličyŭ za lepšaje raskryć dadzienyja karystalnika.
«YouTube zanatda lohka zdaŭsia», – kaža Łorens Kołtan (Laurence Colton), juryst kampanii Powell & Goldstein LLP. – Hetaja padzieja musić prademanstravać karystalnikam, što ŭ vypadku mahčymych jurydyčnych incydentaŭ servis nia budzie abaraniać pravy svaich karystalnikaŭ».
Toje, što dadzienyja Krysa Makarbela byli pieradadzienyja jurystam, pa sutnaści supiarečyć palitycy kampanii Google, jakaja kupiła YouTube dva tydni tamu. Zvyčajna Google adstojvaje kanfidencyjnaść svaich karystalnikaŭ, niejki čas tamu kampanija zmahałasia z departamentam justycyi ZŠA, jaki patrabavaŭ pieradać dadzienyja pra karystalnikaŭ pošukavaj systemy. Aroč taho, zaraz jana viadzie sprečki z hetaj nahody z uładami Brazylii dy Indyi.
Dla hałoŭnaha fihuranta spravy Krysa Makarbela, jak kaža jon sam, «era vidaesajtaŭ skončanaja». «Dni YouTube źličanyja», – zajaŭlaje kinarežyser.
Google sprabuje źnizić ryzyku jurydyčnych prablemaŭ ź YouTube, uhodu pa nabyćci jakoha kampanija planuje zavieršyć da kanca 2006 hodu. Tym nia mienš, hetyja dziejańni Google skiravanyja na abaronu siabie, a nie karystalnikaŭ. Z ulikam pamieru medyjarynku, mahčymyja pazovy ad pravaŭładalnikaŭ mohuć być spustašalnymi dla kampanii, tamu ci budzie jana j nadalej paśladoŭnaja ŭ svajoj palitycy, ci paličyć za lepšaje vydavać parušalnikaŭ zakonu – pakul niajasna.
