U Kapylskim rajonie Minskaj vobłaści źjaviŭsia novy ekskursijny maršrut — «Pa siadzibach Edvarda Vajniłoviča». Jon raspracavany Kapylskim rajonnym krajaznaŭčym muziejem da100-hodździa minskaha kaścioła Śviatych Symona i Aleny (Čyrvony kaścioł), jakoje adznačajecca ŭ kastryčniku 2010 hoda.
Maršrut «Pa siadzibach Edvarda Vajniłoviča» ŭklučaje naviedvańnie ruin siadziby «Łapuchi» ŭ vioscy Dunajeva, jakaja ŭ druhoj pałovie XIX stahodździa naležała Vajniłoviču. Na srodki ad jaje prodažu ŭ 1903 hodzie ažyćciaŭlałasia budaŭnictva Čyrvonaha kaścioła. Siońnia na miescy siadziby zachavalisia kałodziež i basiejn, reštki haspadarčaj pabudovy i śvirana. Vakoł siadziby na miescy byłoha parku zachavałasia niekalki dziasiatkaŭ dreŭ. Častka ź ich ujaŭlajuć dendrałahičnuju kaštoŭnaść: kanadskaja biełaja tapola, redkija hatunki duba.
Ekskursija prachodzić praz reštki radavoha majontka Vajniłovičaŭ — siadzibu «Savičy» (u adnajmiennaj vioscy), jakaja naležała siamji z XVI stahodździa. Siońnia na miescy siadziby možna ŭbačyć napaŭrazburany budynak brovara i nievialiki kurhan ź niekalkimi nadmahilnymi plitami i draŭlanym kryžom u pamiać pra rod Vajniłovičaŭ.
Akramia taho, ekskursantam prapanujecca ŭbačyć reštki kaścioła Śviatoha Michaiła Archanhieła ŭ vioscy Cimkavičy. U padziamiellach kaścioła znachodzilisia familnyja ŭsypalni rodu Vajniłovičaŭ.
Jak paviedamiła dyrektar Kapylskaha rajonnaha krajaznaŭčaha muzieja Valancina Šurakova, usiaho na Kopylščynie znachodzicca šeść
