Kampanija «Samsunh Elektroniks» nie vyklučaje mahčymaści arhanizacyi ŭ Biełarusi zboračnaj vytvorčaści svajoj aŭdyjo- i videatechniki. Pra heta paviedamili pradstaŭniki kampanii ŭ časie presavaj kanferencyi, pryśviečanaj aficyjnamu vyvadu aŭdyjo- i videapradukcyi Samsunh na rynak Biełarusi ŭ čaćviortym kvartale 2006 hodu.
«Arhanizacia zboračnaj vytvorčaści zapatrabuje vializnych investycyjaŭ. U svaju čarhu, dla takich investycyj patrebnyja vialikija abjomy prodažaŭ. Zaraz my tolki aficyjna vychodzim na rynak krainy. Kali našyja nadziei spraŭdziacca, to čamu b i nie», – skazaŭ menedžer pa raźvićci rehijanalnaha biznesu aŭdyjo- i videapradukcyi kampanii Samsunh u Biełarusi i Małdovie Andrej Vinakuraŭ.
Pavodle jahonych słovaŭ, kampanija «Samsunh Elektroniks»stavić pierad saboj zadaču da kanca 2006 hodu padrychtavać biełaruskaha spažyŭca da svajoj pradukcyi. Pry hetym A.Vinakuraŭ vyraziŭz nadzieju, što ŭ nastupnym hodzie zakanadaŭstva Biełarusi «pavierniecca tvaram» da tych vytvorcaŭ, jakija ŭvoziać svaju pradukcyju na rynak aficyjna.
