Vybuch i pažar na «Pinskdrevie»: jość achviary abnoŭlena ŭ 21:53 7

Viečaram 25 kastryčnika znojdziena cieła jašče adnaho zahinułaha ŭ vyniku vybuchu na zavodzie «Pinskdreŭ-DSP».

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, ratavalniki znajšli zahinułaha, a šostaj hadzinie viečara pad abvalenymi elemientami ścien budynka. «Heta mužčyna, rabotnik pradpryjemstva. Inšych źviestak pra jaho pakul niama», — dapoŭniŭ Mašnoŭ.

Pavodle ŭdakładnienych danych na viečar 25 kastryčnika,

u vyniku NZ zahinuli dva čałavieki, 19 rabotnikaŭ pradpryjemstva špitalavanyja.

Paciarpiełyja źmieščany ŭ Pinskuju centralnuju balnicu.

Pavodle źviestak na 15.00 u hetaj balnicy znachodziłasia 18 paciarpiełych. Ź ich 14 čałaviek — u reanimacyjnym adździaleńni z apiokami. Ich stan zastajecca ciažkim. Čaćviora ź pierałomami roznaj łakalizacyi znachodziacca ŭ chirurhičnym i traŭmatałahičnym adździaleńniach balnicy. Ich stan aceńvaŭsia miedykami jak siaredniaj ciažkaści.

Prakuratura Bresckaj vobłaści pa fakcie vybuchu na zavodzie «Pinskdreŭ-DSP» 25 kastryčnika

raspačała spravu pa č. 2 art. 302 Kryminalnaha kodeksa

(parušeńnie pravił vytvorča-techničnaj dyscypliny, pravił biaśpieki na vybuchovaniebiaśpiečnych pradpryjemstvach abo ŭ vybuchovaniebiaśpiečnych cechach albo pravił biaśpieki vybuchovaniebiaśpiečnych prac). Padčas jaho rasśledavańnia budzie ŭstanaŭlivacca pryčyna vybuchu, jakaja na hety čas jašče nieviadomaja.

Jak paviedamlałasia raniej, infarmacyja pra vybuch u cechu pradpryjemstva pastupiła ŭ centr apieratyŭnaha ŭpraŭleńnia Pinskaha harrajadździeła pa NZ 25 kastryčnika ŭ 13.08. Pažar udałosia likvidavać u 15.14. Na tušeńni było zadziejničana bolš za 10 pažarnych raźlikaŭ.

Usiaho ŭ cechu, pavodle papiarednich źviestak, było 29 čałaviek.

0

0

0

0

0

0

Łarysa Šyhanava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH