Aficyjnaja biełaruskaja delehacyja na čale ź pieršym namieśnikam premjer-ministra Uładzimiram Siamaškam z 24 kastryčnika znachodzicca z pracoŭnym vizitam u Indyi.
Jak paviedamlaje pres-słužba Dziaržaŭnaha kamiteta pa navucy i technałohijach, u składzie delehacyi — staršynia DKNT Ihar Vojtaŭ. Prahramaj jaho znachodžańnia ŭ Deli zapłanavanyja mierapryjemstvy pa pytańniach raźvićcia navukova-techničnaha supracoŭnictva abiedźviuch krain.
Takim čynam, płanujecca sustreča ź ministram navuki i technałohij Indyi. Miarkujecca, što baki abmiarkujuć aktualnyja napramki raźvićcia navukova-techničnaj dziejnaści, a taksama razhledziać chod padrychtoŭki da piataha pasiadžeńnia sumiesnaj biełaruska-indyjskaj kamisii pa supracoŭnictvie ŭ vobłaści navuki i techniki. Akramia taho, raspracoŭvajucca pierśpiektyvy farmiravańnia zajavak na vykanańnie sumiesnych navukova-daśledčych prajektaŭ najpierš pa takich nakirunkach, jak nanatechnałohii, bijatechnałohii, hiennaja inžynieryja, łazierna-aptyčnaja technika, miedycyna i farmacyja, infarmacyjna-kamunikacyjnyja i avijakaśmičnyja technałohii, paviedamlaje pres-słužba.
Vizit biełaruskaj delehacyi zavieršycca 28 kastryčnika.