Biełaruś pačała padrychtoŭku da druhoha vypusku jeŭrabondaŭ na $1 miljard 1

Biełaruskija ŭłady pačali padrychtoŭku da druhoha vypusku uŭraablihacyj, raźmiaščeńnie jakoha moža adbycca ŭ kancy hetaha hodu ci pačatku 2011 hodu.

Pavodle pastanovy Saŭmina №1542 ad 22 kastryčnika 2010 hady suma vypusku jeŭraablihacyj z terminam zvarotu nie mienš za 5 hadoŭ składzie $1 miljard.

Dakumientam uchvaleny prajekty dakumientaŭ pa raźmiaščeńni vypusku. U pryvatnaści, kampanija White And Case LLP (ZŠA) vystupić jurydyčnym kansultantam pa anhlijskamu pravu; Łondanski filijał Deutsche Bank AG - płaciožnym ahientam i ahientam pa listynhu; Sterling Financial Print Ltd. – drukavanym ahienctvam.

Arhanizatarami druhoha vypusku jeŭraablihacyj vystupiać tyja ž banki, jakija brali ŭdzieł u raźmiaščeńni debiutnaha vypusku jeŭrabondaŭ: łondanskija filijały BNP Paribas i Deutsche Bank AG, Royal Bank of Scotland PLC, AAT «Aščadbank Rasii».

Debiutny vypusk biełaruskich jeŭraablihacyj byŭ praviedzieny dvuma tranšami ŭ žniŭni hetaha hoda, u vyniku čaho Biełaruś pryciahnuła $1 miljard.

Varta adznačyć, što

pieršapačatkova biełaruskija ŭłady płanavali vyjści na mižnarodny rynak z druhim vypuskam jeŭrabondaŭ nie raniej za siaredzinu 2011 hodu.

Adnak prablemy z pastupleńniem u krainu valutnaj vyručki prymusili ŭłady značna paskoryć svaje płany.

Afn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH