Pretendenty na pasadu prezidenta ad apazicyi stanoŭča aceńvajuć fakt vizitu ŭ Biełaruś ministra zamiežnych spraŭ Polščy Radasłava Sikorskaha i ministra zamiežnych spraŭ Hiermanii Hida Vestervele.
Sustreča patencyjalnych kandydataŭ ad demakratyčnych sił na prezidenckuju pasadu z kiraŭnikami MZS Polščy i Hiermanii adbyłasia ŭviečary 2 listapada. U joj udzielničali lidar hramadzianskaj kampanii «Jeŭrapiejskaja Biełaruś» Andrej Sańnikaŭ, lidar kampanii «Havary praŭdu!» Uładzimir Niaklajeŭ, namieśnik staršyni Abjadnanaj hramadzianskaj partyi Jarasłaŭ Ramančuk, namieśnik staršyni Partyi BNF Ryhor Kastusioŭ, palityk Aleś Michalevič, lidary arhkamitetaŭ pa stvareńni Biełaruskaj
Jak adznačyŭ u intervju BiełaPAN Andrej Sańnikaŭ, sustreča apazicyjnych palitykaŭ ź jeŭrapiejskimi ministrami zamiežnych spraŭ była
«faktyčna vielmi važnaj».
«Jany paćvierdzili, što Jeŭropa budzie hladzieć na standarty vybaraŭ, kab jany byli prazrystymi i spraviadlivymi. Bolš za toje, Sikorski zajaviŭ, što Jeŭropa padtrymaje demakratyčna abranaha prezidenta Biełarusi», — skazaŭ Sańnikaŭ.
U takim ža klučy acaniŭ vyniki sustrečy i Uładzimir Niaklajeŭ.
«Važna toje, što ministry pryjechali i sustrelisia z apazicyjaj.
Heta pakazčyk vialikaj uvahi da situacyi ŭ našaj krainie. Heta značyć, što Jeŭropa nie źbirajecca pakidać nas
Pavodle jaho słoŭ, na sustrečy ź ministrami zamiežnych spraŭ Hiermanii i Polščy, pretendenty na pasadu prezidenta «atrymali zapeŭnivańnie ŭ tym, što ŭ vypadku prychodu da ŭłady ŭ Biełarusi demakratyčnaha prezidenta, kraina atrymaje prefierencyi». Jany, u pieršuju čarhu, zakranuć ekanamičnaje žyćcio krainy.
Vital Rymašeŭski adznačyŭ, što i Sikorski, i Vestervele paabiacali sačyć za tym, kab biełaruskija vybary prezidenta adpaviadali mižnarodnym standartam. Taksama było skazana, što Jeŭropa budzie «pravodzić ćviorduju palityku adnosna Biełarusi».
«Ja vielmi spadziajusia, što hetyja abiacańni buduć vykananyja», — zajaviŭ Rymašeŭski.
