U Minsku adkryłasia vystava šviedskaj mastački Huniły Šobierh «Aśpiekty žyćcia: reljef i skulptura z voŭny».
Huniłf Šobierh.
Pasoł Šviecyi Stefan Eryksan.
Voŭna, ź jakoj biełarusy zdaŭna robiać valonki, u rukach šviedki pieratvarajecca ŭ tvory mastactva. Jana stvaraje pa-viasnovamu zialonaje liście, śviacilniki, upryhožanyja viaźziu. Z asobnych arkušaŭ utvarajecca dyvan i navat čovien.
Vystava składajecca ź dźviuch pakojaŭ: rostu i śviatła. U pakoi rostu aŭtarka źviartaje ŭvahu na pryrodu. U pakoi śviatła źmieščany tvory, jakija «źjaŭlajucca razvažańniami pra našu kulturu, naša staŭleńnie da minuŭščyny i navat, u peŭnym sensie, da budučyni».
Huniła Šobierh vyvučała miascovyja techniki valańnia lamcu ŭ Manholii, Turcyi, Turkmienii, Vienhryi, Biełarusi.
Vystava arhanizavana pry padtrymcy Šviedskaha instytuta i Pasolstva Šviecyi ŭ Biełarusi. Pracuje da 14 listapada ŭ Muziei sučasnaha vyjaŭlenčaha mastactva (pr-t Niezaležnaści, 47).
6 listapada Huniła Šobierh pračytaje lekcyju «Mastactva valańnia: Historyja i sučasnaść».
Lekcyja adbudziecca ŭ pamiaškańni halerei «Akademija» (Surhanava, 14) z 10:00 da 14:00. Uvachod volny.