Pra pažar pa vulicy Bresckaj u Pinsku ŭ padraździaleńnie MNS paviedamili miascovyja žychary.
Na miescy vyratavalniki-pažarnyja ŭbačyli, što z akna kvatery, raźmieščanaj na pieršym paviersie dvuchpaviarchovaha 16-kvaternaha doma, idzie mocny dym. Z achoplenaha ahniom žylla byli vyratavanyja haspadar i jaho žonka: paciarpiełych z atručeńniami praduktami hareńnia i ŭ stanie ałkaholnaha apjanieńnia špitalizavali ŭ centralnuju haradskuju balnicu.
Pa leśvicy z kvatery na druhim paviersie byli vyratavanyja žančyna i dvoje jaje dziaciej — dvajniatki 2008 hoda naradžeńnia, jakija nie paciarpieli.
Ź inšaj kvatery na druhim paviersie vyratavali haspadyniu, piensijanierku-invalida I hrupy pa aporna-ruchalnym aparacie, jakaja ź lohkim atručeńniem taksama była špitalizavanaja ŭ balnicu. Najbolš vierahodnaja pryčyna pažaru — nieaściarožnaść pry kureńni mužčyny z kvatery mahčymych vinoŭnikaŭ zdareńnia. Pavodle słoŭ susiedziaŭ, sužency złoŭžyvali śpirtnymi napojami.
Źviazda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
