Fotazdymak Aleha Hryckieviča «Pierapaŭnieńnie śviaščennych vod» pryznany najlepšym na mižnarodnym fotakonkursie «Samyja nievierahodnyja fota National Geographic».
Zdymak zrobleny z bałkona ŭ čas pavodki ŭ Indyi ŭ žniŭni 2009 hoda.
«Heta vierch zatoplenaha ŭ čas pavodki induisckaha chrama ŭ indyjskim horadzie Varanasi (staražytny Bienares). Źniata z bałkona hatela sa štatyva z vytrymkaj u 30 siekund (na małoj vytrymcy ŭ hetaj chutkaj race byŭ by bačny popieł, vianki, śmiećcie i pareštki nie da kanca spalenych byłych žyvych istotaŭ).
Za piaćdziasiat mietraŭ sprava ad chrama znachodzicca (na fota nie vidać) Manikarnika Hchat — samaje hałoŭnaje miesca na race Hanh dla kremacyi, pa-našamu — rytualnaha spalvańnia pamierłych», — raspavioŭ historyju hetaha zdymka Aleh.
Hałoŭny pryz konkursu — vandroŭka na dvaich u Vašynhton na ekskursiju ŭ hałoŭny ofis National Geographic.
Aleh Hryckievič maje 38 hadoŭ, naradziŭsia ŭ Rasii, ad 1985 hoda žyvie ŭ Biełarusi, dzie skončyŭ Mazyrskuju miedyčnuju vučelniu. Potym pracavaŭ fielčaram, słužyŭ u marjinahorskim śpiecnazie, u 1995-m udzielničaŭ u AXA World Ride'95 — vandroŭcy vakoł śvietu na rovarach, byŭ adzinym pradstaŭnikom ad SND. U 1999-m zasnavaŭ rekłamna-infarmacyjnuju hazietu «Poleśje svoimi hłazami», jakuju vydaje i dahetul. Zajmajecca alpinizmam: uźbirajecca na viaršyni vierchaviny Tybetu, Indyi, Vjetnamu, Kambodžy, Tajłandu. Chobi — dajvinh, fota, alpinizm, snoŭbordynh.
