Sacyjalnaja sietka Facebook prezientuje ŭłasny servis elektronnaj pošty 15 listapada. Ab hetym piša technabłoh TechCrunch sa spasyłkaj na ananimnyja krynicy.
U hety dzień u San-Francyska projdzie pres-kanfierencyja stvaralnika Facebook Marka Cukierbierha. Aficyjna tema pres-kanfierencyi pakul nie nazyvajecca, adnak čakajecca, što jana budzie pryśviečanaja prezientacyi servisu pad kodavaj nazvaj Facebook Titan.
Čakajecca, što ŭsie karystalniki najbujniejšaj u śviecie sacyjalnaj sietki zmohuć atrymać ŭłasnyja adrasy elektronnaj pošty, jakija skančajucca [email protected]. Pry hetym paviedamlajecca, što Facebook padrychtavaŭ paŭnavartasny veb-klijent elektronnaj pošty, jaki moža skłaści kankurencyju inšym papularnym servisam elektronnaj pošty, u tym liku Google Mail, Microsoft Hotmail i Yahoo! Mail.
Upieršyniu ab prajekcie Titan stała viadoma ŭ lutym 2010 hoda. Tady TechCrunch pisaŭ, što karystačy Facebook atrymajuć mahčymaść abmieńvacca paviedamleńniami elektronnaj pošty pa pratakołach IMAP i POP. Miarkujecca, što dostup da paštovaha servisu atrymajuć usie karystačy Facebook, lik jakich pa ŭsim śviecie pieravyšaje 500 miljonaŭ čałaviek.
