Maci dzicia-invalida napisała na sajt Minharvykankama pra toje, jak ich zaprasili na dziciačaje Jeŭrabačańnie.
Na sajt Minharvykankama napisała maci dzicia-invalida. Jana raskazała pra toje, jak jaje dzicia zaprasili ŭ jakaści hledača na dziciačy konkurs «Jeŭrabačańnie», jaki 20 listapada projdzie ŭ Minsku. Pryvodzim tekst lista całkam.
«U nas dzicia-invalid pa DCP. Dyk voś, Minadukacyi takim dzietkam litaściva prapanavała paprysutničać na Jeŭrabačańni. Spačatku na hienrepietycyi ŭ 20.00. Kali my damovilisia z babulaj, jakaja zmoža ź im pabyć tam (a ŭjavicie ciažkaści, ź jakimi tudy takomu dziciaci trapić!), nam patelefanavali i ŭsio «pierajhrali»! Ciapier treba być na samym Jeŭrabačańni i z 18.00 i da kanca — daloka za noč! Ale nie heta samaje niepryjemnaje — a toje, što zaraz jany vyrašyli, što dzieci pavinny być nie prosta invalidy, a abaviazkova siadzieć u invalidnym vazku! Heta značyć tyja, kamu «paščaściła» ŭ žyćci sprabavać pierasoŭvacca samastojna, z mylicami, chadunami i inš. — nie mohuć jechać na śviata! Ci bačycie, jany vyrašyli vystavić takich dziaciej u kalaskach pamiž šerahami — jak nijak TB budzie zdymać! A ŭ nas — ujaŭlajecie — niama invalidnaha vazka! My, viedajecie, pierasoŭvajemsia sami, chaj i ź ciažkaściu. Nam Jeŭrabačańnie nie patrebna! Zaraz! A dzicia zaraz siadzić i płača! Šmat u jaho radaści ŭ žyćci? Dziakuj razumnym čynoŭnikam za čarhovuju pakazuchu! Ad usiaho matčynaha serca — dziakuj!!!»
Varta adznačyć, što adkazu ad administracyi Frunzienskaha rajona Minska, jakoj žančyna adrasavała svoj list, jana pakul nie dačakałasia. Da «Jeŭrabačańnie» zastałosia ŭsiaho ničoha.
