Nacbank uvodzić u abaračeńnie pamiatnuju banknotu naminałam 20.000 rubloŭ + vyjava 1

Nacyjanalny bank Biełarusi 1 śniežnia ŭvodzić u abaračeńnie pamiatnuju banknotu «Nacyjanalny bank Respubliki Biełaruś. 20 hod» naminałam 20.000 rubloŭ nakładam 3.000 štuk. Jaje vypusk pryśviečany 20-hodździu stvareńnia hałoŭnaj bankaŭskaj ustanovy krainy,

Pamiatnaja banknota «Nacyjanalny bank Respubliki Biełaruś. 20 hod» vyrablena na asnovie dvaccacitysiačnaj kupiury, što znachodzicca ŭ abaračeńni, šlacham prypresoŭki na vialikaje kuponnaje pole banknoty hałahramy z nadpisam u čatyry radki: NB 20 hod 1991–2011.

Pamiatnaja banknota źmieščana ŭ śpiecyjalnuju ŭpakoŭku-buklet. Na jaje piarednim baku raźmieščany nadpisy: NACYJANALNY BANK RESPUBLIKI BIEŁARUŚ, NBRB i elemienty architekturnaha afarmleńnia budynka Nacyjanalnaha banka Respubliki Biełaruś, skroź jakija prahladajecca vyjava dvaccacitysiačnaj kupiury.

Na ŭnutranym baku ŭpakoŭki, fon jakoj zapoŭnieny tymi ž elemientami architekturnaha afarmleńnia budynka, prymacavany prazrysty klemtaš sa źmieščanaj u jaho pamiatnaj banknotaj.

Upakoŭka-buklet razam z pamiatnaj banknotaj układvajucca ŭ aformleny ŭ padobnym z bukletam styli padaračny kanviert.

Vypuščanaja ŭ abaračeńnie pamiatnaja banknota «Nacyjanalny bank Respubliki Biełaruś. 20 hod» naminałam 20.000 rubloŭ źjaŭlajecca zakonnym płaciežnym srodkam Respubliki Biełaruś i abaviazkovaja da pryjomu pa naminalnym košcie va ŭsie vidy płaciažoŭ biez usialakich abmiežavańniaŭ.

0

0

0

0

0

0

BiełaPAN pavodle nbrb.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH