U krainach Jeŭrazijskaj ekanamičnaj supolnaści (JeŭrAzES) buduć uviedzienyja novyja pački cyharet, na jakich bolš miesca zojmie papiaredžańnie ab škodzie kureńnia.
Pra rabotu nad prajektam techničnaha rehłamientu JeŭrAzES «Tytuniovaja pradukcyja» raskazała namieśnik hałoŭnaha ŭrača Respublikanskaha centra hihijeny, epidemijałohii i hramadskaha zdaroŭja Ludmiła Narojčyk 18 listapada na
Pavodle jaje słoŭ,
zhodna z prajektam 30% płoščy pačkaŭ buduć zajmać nadpisy z papiaredžańniem ab škodzie kureńnia, 50% płoščy — adpaviednyja vyjavy, jakija miarkujecca raźmiaścić na dvuch bakach pačkaŭ.
«Naprykład, nadpis «Kureńnie vyklikaje infarkty i insulty» i tut ža karcinku na hetuju temu, nadpis «Kureńnie škodzić vašamu dziciaci» i karcinka niedanošanaha dziciaci, nadpis ab tym, što kureńnie viadzie da paradantozu i karcinka z vypadzieńniem zuboŭ», — skazała Narojčyk. Pavodle jaje słoŭ, siarod papiaredžańniaŭ na pačkach buduć taksama nadpisy ab tym, što kureńnie vyklikaje impatencyju, rak lohkich, dačasnaje stareńnie skury, emfizemu lohkich, i ŭsie jany buduć supravadžacca adpaviednymi karcinkami.
Jak adznačyła Narojčyk, čakajecca, što źmianieńnie źniešniaha vyhladu pačkaŭ pryviadzie da taho, što kurcy buduć kožny raz zadumvacca ab prablemach, źviazanych z tytuniekureńniem, a ludziam, jakija nie kurać, nie zachočacca brać u ruki pačak. Pavodle jaje słoŭ, naprykład, u Kanadzie, dzie cyharety ŭžo pradajucca ŭ takich pačkach, 44% nasielnictva ličać, «što jany ŭpłyvajuć na psichiku kurcoŭ».
Namieśnik hałoŭnaha doktara paviedamiła, što ciapier techrehłamient «Tytuniovaja pradukcyja» prachodzić praceduru ŭnutrydziaržaŭnych uzhadnieńniaŭ. Čakajecca, što jon budzie zaćvierdžany ŭ 2011 hodzie.
Jak ličyć zahadčyca adździeła hramadskaha zdaroŭja Respublikanskaha centra hihijeny, epidemijałohii i hramadskaha zdaroŭja Volha Bartman, chutčej za ŭsio, u nastupnym hodzie novyja pački jašče nie vyjduć u prodaž. Paśla taho jak techrehłamient zaćvierdziać, usim zacikaŭlenym kampanijam budzie dadzieny čas, za jaki mahčyma naładzić vytvorčaść mienavita takich upakovak.
