Hety siužet ab vybarčaj kampanii ŭ Biełarusi ŭčora byŭ vyrazany cenzuraj i nie pakazany na terytoryi krainy.
U Biełarusi aficyjna startavała ahitacyjnaja kampanija pa vybarach prezidenta krainy. Hałasavańnie pryznačanaje na 19 śniežnia, i za pasadu kiraŭnika dziaržavy majuć namier zmahacca 10 čałaviek.
Usie jany, ci ich pradstaŭniki, siońnia atrymali ŭ vybarkamie adpaviednyja paśviedčańni i ciapier poŭnaściu hatovyja da baraćby, jakaja abiacaje być haračaj.
Navat kiraŭnik biełaruskaha Centrvybarkama vykazała zdahadku, što ŭ najbližejšy čas respubliku čakaje chvala vykryvańniaŭ, pretenzij i skarhaŭ.
Karespandent rasijskaha telekanała NTV Hieorhij Hryvienny pieradaje ź Minska.
Na minskim Pałacy respubliki, dzie ŭ čaćvier Centralnaja vybarčaja kamisija abviaščała imiony kandydataŭ u prezidenty, visiać płakaty, zdavałasia b, zusim nie palityčnyja. Minsk rychtujecca pryniać dziciačaje «Jeŭrabačańnie».
Miarkujučy pa miascovych dziaržaŭnych kanałach, niama ŭ krainie ciapier važniejšaj padziei. Kožny dzień i ŭ kožnym vypusku siužety: udzielniki prylacieli, raźmiaścilisia, schadzili ŭ bufiet. Pra palityku — praktyčna ni słova.Ale ŭ ludziej, jakija vyjšli na Kastryčnickuju płošču sa ściahami i płakatami, — svaja muzyka.
Tak sustrakali kandydataŭ. Tyja pakazvali atrymanyja paśviedčańni. Za niekalki chvilin da hetaha zapavietnyja zialonyja knižački im uručała staršynia CVK. U adkaz praktyčna kožny ahučvaŭ pretenzii da Vybarkama, narakaŭ na pieršapačatkova niaroŭnyja ŭmovy pieradvybarnaj baraćby, patrabavaŭ dostupu da dziaržaŭnych ŚMI i abiacaŭ kali nie pieramahčy, dyk choć pazmahacca.
Mikałaj Statkievič, kandydat na post prezidenta Biełarusi: «Ja chaču, kab vy pieradali ŭładalniku vašaha viasiołaha cyrka, što ja nie źbirajusia być błaznam. Ja budu damahacca, kab ułada dała nam svabodnyja vybary».
Andrej Sańnikaŭ, kandydat na post prezidenta Biełarusi: «Ja abiacaju, što zrablu ŭsio dla taho, kab u novym hodzie Biełaruś stała svabodnaj i demakratyčnaj. Historyja robicca siońnia. Historyju robim my, i my pieramožam!»
Dziejny prezident, a z hetaha dnia jašče i kandydat u prezidenty Alaksandr Łukašenka paśviedčańnie atrymlivać nie pryjechaŭ. Kiraŭnik dziaržavy ciapier naohuł praktyčna nie prykmietny ŭ palityčnaj rytorycy.
Prezident kaža bolš pra nadzionnaje. Nazyvaje chłuśnioj čutki ab chutkaj devalvacyi biełaruskaha rubla i zaklikaje nasielnictva nie skuplać dalary: popyt na zamiežnuju valutu ŭ Biełarusi za apošni miesiac vyras u šeść razoŭ.
Stanisłaŭ Bahdankievič, u 1991–1995 hadach — staršynia Nacyjanalnaha banka Biełarusi: «Siońnia klaniecca Alaksandr Ryhoravič, što nie budzie devalvacyi. I takoje ŭžo było ŭ śniežni 2008. A ŭ studzieni 2009 zrabili devalvacyju na 20%. Usio abiascenili».
Kankurencyi jana časta nie vytrymlivaje, pakupnika nie znachodzić, prybytku biudžetu nie prynosić. U vyniku dziaržava vymušanaja pastajanna pazyčać hrošy za miažoj.
Stanisłaŭ Bahdankievič: «Za toje, što dziaržpazyka vyrasła ŭ 2,2 razy za adzin tolki hod, my žyviem nie pa srodkach — my žyviem u doŭh».
U kožnaha z 10 kandydataŭ u prezidenty, viadoma ž, jość svoj pohlad na temu, jak uładkavać Biełaruś. Ciapier svaje prahramy jany pavinny danieści da vybarščyka. I voś pieršaja maleńkaja pieramoha tych, chto nazyvaje siabie apazicyjaj. CVK vyrašyŭ, što pieradvybarnyja debaty na telebačańni i radyjo projduć u žyvym efiry.
