19 listapada staršynia CVK Lidzija Jarmošyna padpisała dakumienty na druk ulotak dla pieradvybarčaj ahitacyi za Vitala Rymašeŭskaha tolki ŭ 15.35, praź piać chvilin, jak u Miensku ź bieznajaŭnymi hrašyma pierastali pracavać banki.
Jak raspavioŭ namieśnik kiraŭnika vybarčaha štabu Vitala Rymašeŭskaha Dzianis Sadoŭski, učora ad abieda jon sprabavaŭ zamović ulotki ŭ drukarni. Ale, kab ich nadrukavać, treba atrymać adpaviedny dakumient u CVK. Inšymi słovami, u CVK pavinny paćvierdzić pieraličeńnie hrašovych srodkaŭ, što vydzialajucca kožnamu kandydatu ź dziaržaŭnaha biudžetu, dla drukarni.
Učora zrabić heta ŭ CVK admovilisia, spasłaŭšysia na toje, što damova, jakuju skłali ŭ štabie Vitala Rymašeŭskaha, im nie pasuje, a patrebnuju formu jany jašče nie raspracavali(!). Siońnia nieabchodnaja forma damovy była hatovaja pad abied. Užo praz hadzinu, damoviŭšysia z drukarniaj, Dzianis Sadoŭski byŭ u CVK. Jon pračakaŭ u pryjomnaj try hadziny. Lidzija Jarmošyna padpisała dakumient tolki ŭ 15.35.
U piatnicu banki, pavodle źviestak CVK, pracujuć ź bieznajaŭnymi hrašyma tolki da 15.30, tamu nadrukavać pieradvybarčyja ŭlotki budzie niemahčyma da paniadziełka, paviedamlaje presavaja słužba BCHD.
Nahadajem, 18 listapada, padčas uručeńnia kandydackich paśviedčańniaŭ u CVK, pradstaŭnik Rymašeŭskaha Pavał Sieviaryniec admoviŭsia pacisnuć ruku Lidzii Jarmošynaj.
