Nikitčanka zahinuŭ pry abhonie? 3

Zdareńnie adbyłosia ŭ piatnicu 19 listapada prykładna, a 15-j hadzinie na 56-m kiłamietry aŭtadarohi Minsk-Maładziečna. Nikitčanka jechaŭ na daču, u bok Maładziečna. Jak paviedamlajuć u abłasnoj DAI, pavodle papiaredniaj infarmacyi Nikitčanka vyjechaŭ na sustrečnuju pałasu i sutyknuŭsia z hruzavikom ZIŁ. Akramia Nikitčanki, nichto nie paciarpieŭ.

Pavodle infarmacyi radyjo «Svaboda», Ivan Nikitčanka jechaŭ na aŭtamabili «Folksvahien-Džeta».

Jak paviedamiŭ «Našaj Nivie» doktar Fiodaraŭ z Maładziečanskaha špitala, praf. Nikitčanka pamior, a 2-j nočy, nie aprytomnieŭšy.

71-hadovy Ivan Nikitčanka byŭ siabrom BNF. Doŭhija hady jon uznačalvaŭ arhkamitety praviadzieńnia «Čarnobylskaha šlachu». U 1990-ch uvachodziŭ u skład cienievaha kabinieta apazicyi BNF u Viarchoŭnym Saviecie.

Na hetych vybarach jon staŭ davieranaj asobaj kandydata ad Chryścijanskaj Demakratyi Vitala Rymašeŭskaha, arhumientavaŭšy tym, što hety kandydat najbolšuju ŭvahu nadaje pytańniam pieraadoleńnia nastupstvaŭ Čarnobyla.

«Naša Niva» smutkuje razam ź siamjoju niabožčyka. My pastarajemsia raźviedać pra abstaviny katastrofy.

Uradženiec Branščyny, jon staŭ adnym z najlepšych navukoŭcaŭ u halinie sielekcyi žyviołaŭ. Jon blizka da serca ŭspryniaŭ čarnobylskuju trahiedyju, što začapiła i jahonyja rodnyja miaściny. Jon dałučyŭsia da biełaruskaha nacyjanalnaha ruchu i zastavaŭsia ŭ im da apošnich dzion svajho žyćcia.

0

0

0

0

0

0

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH