paviedamiła 22 listapada žurnalistam staršynia pastajannaj kamisii pa žyllovaj palitycy, budaŭnictvie, handli i pryvatyzacyi Pałaty pradstaŭnikoŭ Nacyjanalnaha schodu Biełarusi Halina Palanskaja.
Jana nahadała, što 24 listapada prajekt Žyllovaha kodeksa płanujecca razhledzieć u pieršym čytańni na plenarnym pasiadžeńni Pałaty pradstaŭnikoŭ.
«Pavodle samych aptymistyčnych prahnozaŭ, dakumient budzie pryniaty ŭ druhim čytańni viasnoj 2011 hoda. Heta značyć uvachodžańnie ŭ siłu kodeksa možna čakać tolki ŭ 2012 hodzie, pry hetym niekatoryja normy ŭvojduć u siłu jašče paźniej», — zaznačyła Palanskaja.
Deputat paviedamiła, što praca nad prajektam doŭžycca ŭžo paŭhoda. Za hety čas u kamisiju pastupiła bolš jak tysiača zaŭvah i prapanoŭ, bolšaja častka ź jakich była ŭličana.
U prajekcie, zaznačyła parłamientaryj, jość šerah dyskusijnych pytańniaŭ. U pryvatnaści, u novym kodeksie prapisany miechanizmy vysialeńnia hramadzian ź dziaržaŭnaha žylla i kvater, što znachodziacca va ŭłasnaści, za praciahłuju nieapłatu
«Ale nikoha adrazu nie buduć vysialać, z takimi ludźmi buduć pracavać, kab praduchilić samyja horšyja nastupstvy»,
— padkreśliła Palanskaja.
Pry hetym jana zaznačyła, što ŭłaśnik kvatery ŭ vypadku najaŭnaści vialikaj zapazyčanaści moža sam pryniać rašeńnie nakont taho, što rabić z žyllom. U pryvatnaści, jon moža pradać kvateru, kab pahasić daŭhi.
Aprača taho, z ulikam užo najaŭnaj praktyki vysialeńnia niepłacielščykaŭ hramadzianie atrymlivajuć mahčymaść pierajechać u inšaje žyllo, jakoje ŭstupaje pa spažyvieckich charaktarystykach.
«Na vulicu nikoha nie vysialajuć», — padkreśliła deputat. Jana taksama dadała, što pry najaŭnaści ŭ siamji niepłacielščykaŭ niepaŭnaletnich rašeńnie ab vysialeńni budzie prymacca tolki sa zhody orhanaŭ apieki i papiačycielstva.
U prajekcie kodeksa źjaviłasia i norma, u adpaviednaści ź jakoj ułaśnik žyłoha pamiaškańnia moža vysielić byłoha člena siamji ŭ luby čas biez pradastaŭleńnia inšaha žyłoha pamiaškańnia. Jak zaznačyła Palanskaja, «hetaja norma źjaviłasia paśla šmatlikich zvarotaŭ vybarščykaŭ».
