U Baranavickim rajonie z-za kazuli, jakaja vybiehła na darohu, paciarpieli dva čałavieki, paviedamiłainśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Kaśjanik.
Pavodle jaje słoŭ, avaryja, vinoŭnikam jakoj stała žyviolina, adbyłasia viečaram 20 listapada na aŭtadarozie Brest — Minsk niedaloka ad vioski Lesina.
Kazula z raździalalnaj pałasy skočyła pad aŭtamabil «Ford-Hełaksi».
Paśla najezdu na žyviolinu kiroŭca «Forda», 45-hadovy žychar Drahičyna, nie spraviŭsia z kiravańniem i sutyknuŭsia z aŭtamabilem «HAZ-32213», jaki ruchaŭsia ŭ spadarožnym napramku pa susiedniaj pałasie. Ad udaru hruzavik źjechaŭ u kiuviet i pierakuliŭsia.
U vyniku dva pasažyry «HAZa»: 51-hadovy i 39-hadovy žychary Ivacevickaha rajona ź ciažkimi traŭmami źmieščany ŭ balnicu. Kazula zahinuła na miescy. Kiroŭcy «Forda» i «HAZ-32213» nie paciarpieli.
Abiedźvie aŭtamašyny atrymali miechaničnyja paškodžańni.
Sioleta ŭ vobłaści heta treciaje DTZ, jakoje adbyłosia pa vinie žyvioliny. U lipieni ŭ Drahičynskim rajonie ŭ vyniku najezdu na karovu paciarpieła 23-hadovaja aŭtamabilistka. U žniŭni ŭ Łunincy adbyłasia avaryja z-za čornaha kata, jaki raptoŭna vybieh na darohu, paciarpieŭ 56-hadovy matacyklist.
Łarysa Šyhanava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
