AFK «Systema», matčynaja kampanija dla aperatara MTS, planuje pradać tielekamunikacyjnyja aktyvy niamieckamu kancernu Deutsche Telekom, paviedamlaje hazeta Financial Times Deutschland. Naŭzamien «Systema» maje namier atrymać 10-20% akcyj Deutsche Telekom. Krynicy ŭ abiedźviuch kampanijach paćvierdzili, što takija pieramovy nasamreč viaducca, adnak aficyjna kamentavać paviedamleńnie admovilisia.
Uskosnym paćvierdžańniem praviadzieńnia pieramovaŭ moža być i toje, što mahčymaja ŭhoda z Deutsche Telekom abmiarkoŭvałasia ŭ nieaficyjnaj častcy vizytu ŭ Niamieččynu prezydenta Rasiei Ŭładzimiera Pucina. Staršynia rady dyrektaraŭ «Systemy» Uładzimier Jeŭtušenkaŭ byŭ siarod zajaŭlenych udzielnikaŭ sustrečy niamieckich i rasiejskich top-menedžeraŭ u Miunhienie, na jakoj taksama prysutničali Pucin i ministar suviazi i infarmacyj Leanid Rejman.
Kampanija Deutsche Telekom raniej vałodała 40% akcyj MTS, adnaje pradała svoj pakiet.
