Ad ŚNIDu ŭ Minsku sioleta pamierła 9 čałaviek 3

Dyjahnaz «ŚNID» mienskija medyki ŭ 2010 hodzie pastavili 28 žycharam Miensku, ź jakich 9 pamierli.

Pra heta paviedamiła na pres-kanferencyi ŭ sieradu zahadčyca adździaleńnia prafilaktyki VIČ/ŚNID Mienskaha haradzkoha centru hihijeny i epidemijalohii Maryna Varaksa.

Jana ŭdakładniła, što ahulnaja kolkaść vypadkaŭ ŚNIDu za peryjad statystyčnaha nazirańnia ŭ Miensku składaje 150 čałaviek, ź ich pamierli 83, pieradaje Interfaks.

Ahulnaja kolkaść vyjaŭlenych u Miensku vypadkaŭ VIČ pavodle stanu na 1 listapada 2010 hodu skłała 1611, z hetaha liku 553 žančyny i 1058 mužčyn.

U vyniku ińjekcyjnaha ŭžyvańnia narkatyčnych rečyvaŭ infikavana VIČ 48 čałaviek. Pavodle jaje słoŭ, bolšaść VIČ-infikavanych znachodziacca va ŭzrostavaj hrupie 20–34 h.

Pavodle namieśnika hałoŭnaha lekara Haradzkoj infekcyjnaj kliničnaj balnicy, «na siońniašni dzień Miensk zajmaje treciuju pazycyju ŭ krainie pavodle ŭzroŭniu raspaŭsiudžanaści i čaćviortuju — pavodle ŭzroŭniu zachvorvańnia na VIČ-infekcyju».

0

0

0

0

0

0

Pavodle Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH