Kandydaty ŭ prezidenty Ryhor Kastusioŭ, Jarasłaŭ Ramančuk i Viktar Ciareščanka stvaryli vybarčyja fondy, paviedamili ŭ Centrvybarkamie.
Rekvizity fondu Ryhora Kastusiova: raźlikovy rachunak № 3014000000379 AAT «AAB «Biełarusbank», kod 795.
Rekvizity fondu Jarasłava Ramančuka: raźlikovy rachunak № 3014000002201, AAT «AAB «Biełarusbank», kod 614.
Rekvizity fondu Viktara Ciareščanki: raźlikovy rachunak № 3014000000366, AAT «AAB «Biełarusbank», kod 795.
Pryznačeńnie płaciaža: dobraachvotnaje achviaravańnie ŭ vybarčy fond kandydata ŭ prezidenty Respubliki Biełaruś Kastusiova R.A., Ramančuka Ja.Č. abo Ciareščanki V.I.
Achviaravańnie hramadzianina nie moža pieravyšać 10 bazavych vieličyń (350 tys. rubloŭ), jurydyčnaj asoby — 30 bazavych vieličyń (1 młn. 50 tysiač rubloŭ).
Achvotnym pieraličyć srodki nieabchodna ŭdakładnić numar rachunku ŭ «Biełarusbanku».
Zabaraniajecca ŭnosić achviaravańni ŭ vybarčyja fondy kandydataŭ: zamiežnym dziaržavam i arhanizacyjam; zamiežnym hramadzianam i asobam biez hramadzianstva; mižnarodnym arhanizacyjam; arhanizacyjam z zamiežnymi inviestycyjami; Hramadzianam Respubliki Biełaruś, jakija nie dasiahnuli 18 hadoŭ; dziaržaŭnym orhanam i orhanam miascovaha samakiravańnia; arhanizacyjam, jakija poŭnaściu abo častkova finansujucca ź biudžetu; dabračynnym i relihijnym arhanizacyjam; ananimnym achviaravalnikam.
Pry hetym pad ananimnym achviaravalnikam padrazumiavajecca hramadzianin, jaki nie ŭkazaŭ u płaciežnym dakumiencie na ŭsianieńnie achviaravańnia lubuju z nastupnych źviestak: proźvišča, imia, imia pa baćku, datu naradžeńnia (dzień, miesiac, hod), adras miesca žycharstva, sieryju i numar pašparta. Jurydyčnaja asoba ličycca ananimnaj, kali ŭ płaciežnym dakumiencie nie ŭkazanaja lubaja z nastupnych źviestak: ulikovy numar płacielščyka, najmieńnie, bankaŭskija rekvizity, jurydyčny adras.
Niaklajeŭ i Rymašeŭski stvaryli svaje vybarčyja fondy