Televystup Uładzimira Niaklajeva — užyvuju na NN 55

Hladzicie ad 19-j hadziny.

Kandydaty ŭ prezidenty Vital Rymašeŭski i Andrej Sańnikaŭ praviaduć 26 listapada sustrečy ŭ rehijonach, a Uładzimir Niaklajeŭ vystupić pa telebačańni.

Jak paviedamiŭ pres-sakratar Sańnikava Alaksandr Atroščankaŭ, siońnia kandydat praviadzie ŭ Minsku šerah rabočych sustreč, paśla čaho nakirujecca ŭ Barysaŭ. «U Barysavie zapłanavana sustreča Sańnikava z vybarščykami ŭ 18.30 u pamiaškańni kinateatra «Kastryčnik» pa adrasie: vuł. Haharyna, 105», — paviedamiŭ Atroščankaŭ.

Vital Rymašeŭski paviedamiŭ, što siońnia ŭ jaho zapłanavany sustrečy ŭ Mahiloŭskaj vobłaści. «Ja źbirajusia naviedać Kryčaŭ, Asipovičy, Babrujsk. Mahiloŭskaja vobłaść — heta vobłaść, jakaja była adnoj ź lidaraŭ pa kolkaści podpisaŭ, sabranych za vyłučeńnie mianie kandydatam u prezidenty. Tamu ja nie mahu praihnaravać Mahiloŭ i źbirajusia nadać hetaj vobłaści asobnuju ŭvahu», — zajaviŭ kandydat.

Akramia hetaha, skazaŭ palityk, pa darozie pamiž sustrečami jon praviadzie anłajn-kanfierencyju na sajcie radyjo «Svaboda», jakaja pavinna pačacca a 13.00.

Uładzimir Niaklajeŭ siońnia vystupić u žyvym efiry Biełaruskaha telebačańnia. Televystupleńnie pačniecca, a 19.00. «U toj ža čas pad łozunham «Hladzim Niaklajeva razam!» budzie arhanizavana žyvaja tranślacyja jaho vystupleńnia kala budynka «Biełaruśfilma».

Paśla žyvoha efiru, prykładna a 19.45, Niaklajeŭ pryjedzie da «Biełaruśfilma» i praviadzie tam sustreču z vybarščykami»

, — skazała jaho pres-sakratar Julija Rymašeŭskaja.

Davieranyja asoby Niaklajeva Vasil Lavonaŭ i Viktar Harbačoŭ praviaduć sustreču ŭ Žodzinie z rabotnikami BiełAZa, paviedamiła Rymašeŭskaja.

A 19-aj hadzinie tut možna budzie pabačyć žyvuju tranślacyju vystupu lidara «Havary praŭdu!»

AP; inf. BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH