Pakul biez mardaboju (futboł) 2

Z ranicy 2 śniežnia ŭ Minsk pryjazdžajuć fanaty kijeŭskaha «Dynama» na matč hrupavoha etapu Lihi Jeŭropy z barysaŭskim BATE.

Jak paviedamiŭ pres-sakratar upraŭleńnia ŭnutranych spraŭ na transparcie MUS Alaksandr Marčanka, siem prychilnikaŭ ukrainskaj kamandy pryjechali ŭ Biełaruś na ciahniku Žytomir — Baranavičy, 37 — Kijeŭ — Minsk; 25 fanataŭ znachodziacca ŭ ciahniku Adesa — Minsk. Ciaham dnia čakajecca prybyćcio jašče niekalkich ciahnikoŭ, u jakich mohuć znachodzicca hrupy ŭkrainskich fanataŭ.

U Minsku na matč pradadziena prykładna 7 tysiač biletaŭ, u Kijevie — bolš za 150, u Rasii — 15.

Pavodle słoŭ Marčanki, ad miažy Biełarusi ŭkrainskija fanaty ŭ ciahnikach supravadžajucca naradami transpartnaj milicyi. Nijakich ekscesaŭ ź imi nie zafiksavana. Na miescach kantrol za imi pieradajecca terytaryjalnym orhanam unutranych spraŭ.

Jak paviedamiŭ BiełaPAN načalnik adździeła infarmacyi i hramadskich suviaziaŭ HUUS Minharvykankama Alaksandr Łastoŭski, nijakich incydentaŭ u horadzie z udziełam ukrainskich prychilnikaŭ futboła nie było. Pavodle jaho słoŭ, staličnaja milicyja hatova zabiaśpiečyć pravaparadak pierad matčam, padčas i paśla jaho praviadzieńnia.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH