Pavodle infarmacyi italjanskaj presy najlepšym futbalistam 2010 hoda ŭžo abrali hulca zbornaj Ispanii i «Barsiełony».
Italjanskaja spartyŭnaja hazieta Gazzetta dello Sport napisała, što uładalnikam «Załatoha miača» 2010 hoda stanie paŭabaronca zbornaj Ispanii i «Barsiełony» Andres Injesta. Pavodle źviestak haziety, mienavita Injesta zaniaŭ pieršaje miesca ŭ apytańni FIFA, pa vynikach jakoha pavinien vyznačycca najlepšy futbalist hoda.
Druhoje miesca, pavodle źviestak Gazzetta dello Sport, zaniaŭ Chavi, treciaje — arhienciniec Lijanel Miesi. Chavi i Miesi, jak i Ińjesta, vystupajuć za «Barsiełonu».
U 2010 hodzie Injesta u składzie «Barsiełony» staŭ čempijonam Ispanii i ŭładalnikam Supierkubka krainy, a ŭ składzie zbornaj — čempijonam śvietu. U finale
Gazzetta dello Sport adznačaje, što hałandski paŭabaronca miłanskaha «Intera» Ŭeśli Snejder nie patrapiŭ navat u trojku pryzioraŭ. U 2010 hodzie z «Interam» jon vyjhraŭ Lihu čempijonaŭ, čempijanat Italii, Kubak i Supierkubak krainy, a taksama dapamoh hałandskaj zbornaj vyjści ŭ finał
Z 2010 hoda «Załaty miač», jaki raniej ŭručaŭ francuzski časopis France Football, abjadnany z «Bryljantavym miačom», jaki apošnim časam ŭručajecca FIFA. U «novym» hałasavańni prymajuć udzieł kapitany i hałoŭnyja treniery ŭsich nacyjanalnych zbornych, a taksama žurnalisty vydańniaŭ, jakija raniej hałasavali za ŭładalnika «Załatoha miača».
U paniadziełak, 6 śniežnia, FIFA pavinna aficyjna nazvać imiony troch futbalistaŭ, jakija nabrali najbolšuju kolkaść hałasoŭ.
Imia pieramožcy stanie viadoma 10 studzienia padčas śpiecyjalnaj cyrymonii.
