9 śniežnia ŭ ofisie Biełaruskaj Chryścijanskaj Demakratyi adbyłasia sustreča kandydataŭ u prezidenty.
Udzieł u joj uziali Uładzimir Niaklajeŭ, Dźmitryj Us, Viktar Ciareščanka, Mikoła Statkievič, Vital Rymašeŭski, a taksama davieranyja asoby Jarasłava Ramančuka, Andreja Sańnikava, Alesia Michaleviča, Ryhora Kastusiova.
Jak paviedamiła ŭ razmovie z karespandentam «NN»
Adnak amal usie jany pahadzilisia kaardynavać dziejańni na Płoščy 19 śniežnia.
«Niezrazumiełuju pazicyju zaniaŭ tolki štab Alesia Michaleviča.
Jaho pradstaŭnik nie vystupiŭ suprać kaardynacyi dziejańniaŭ, adnak sam spadar Michalevič jašče nijak nie vykazaŭsia na hety kont», — paviedamiła Julija Rymašeŭskaja.
***
Nahadajem, što siońnia ranicaj kandydat u prezidenty Uładzimir Niaklajeŭ na pikiecie, što prajšoŭ la Administracyi prezidenta, prapanavaŭ usim kandydatam źniacca z prezidenckaj honki.
«Adnačasovaje źniaćcie svaich kandydatur uzmocnić apazicyju i Płošču.
Nam nielha dapuścić, kab vybary byli pryznanyja mižnarodnymi strukturami. Pryznańnie vybaraŭ — heta budzie naša paraza.
Kali my ŭsie razam zdymiem svaje kandydatury — heta budzie mocny krok», — zajaviŭ Niaklajeŭ.
Kandydat ličyć, što vybary ŭžo možna ličyć niedemakratyčnymi, i ni Rasija, ni ES ich pryznavać nie pavinny: «Kali ES pryznaje hetyja vybary, to heta budzie ŭžo zanadta «Reałpalityk».
Źviartajučysia da Łukašenki, lidar kampanii «Havary praŭdu» zaznačyŭ: «Jon abvinavaciŭ mianie ŭ suviaziach z Rasijaj, skazaŭ, što maje dokazy i schavaŭsia.
Fakty — na tumbačku! Chaj pryjdzie na debaty i ŭ žyvym efiry pakładzie fakty na tumbačku»,— zajaviŭ Niaklajeŭ.
Łukašenka, praŭda, da Niaklajeva nie vyjšaŭ, 8 śniežnia jon adlacieŭ u Maskvu.
