Biełaruś prapanuje stvaryć instytut partniorstva ADKB. Ab hetym havorycca ŭ zvarocie novaha staršyni Rady kalektyŭnaj biaśpieki Alaksandra Łukašenki da kiraŭnikoŭ dziaržaŭ — členaŭ ADKB, pieradaje karespandent BIEŁTA.
Biełaruś zaŭsiody vystupała za ciesnaje raźvićcio adnosin arhanizacyi jak ź inšymi mižnarodnymi strukturami, tak i z asobnymi dziaržavami, adznačajecca ŭ zvarocie. «Tolki razam my zmožam zabiaśpiečyć biaśpieku pa pierymietry, jak kažuć, na podstupach da rubiažoŭ ADKB, — ličyć kiraŭnik biełaruskaj dziaržavy. — Pierakanany, što nam jość što prapanavać i čym zacikavić nie tolki pryhraničnyja krainy, ale i dziaržavy na inšych kantynientach. Pierśpiektyvy hetych inicyjatyŭ — pašyrenie śfiery ŭpłyvu i pavyšeńnie roli arhanizacyi na mižnarodnaj arenie i ŭ rehijanalnym płanie».
Na dumku Łukašenki, jašče šmat treba budzie zrabić dla taho, kab byŭ zapuščany ŭ dziejańnie instrumientaryj KSAR. U jakaści čarhovaha zachadu na šlachu ŭmacavańnia i raźvićcia hetych sił Biełaruś prapanuje raspracavać i zaćvierdzizć metavuju prahramu asnaščeńnia sučasnym i sumiaščalnym uzbrajeńniem, srodkami śpiecyjalnaha pryznačeńnia i suviazi, inšym ryštunkam. Takaja prahrama budzie sadziejničać pavyšeńniu ŭzroŭniu bojehatoŭnaści i apieratyŭnaj sumiaščalnaści nacyjanalnych katynhientaŭ, ličyć kiraŭnik dziaržavy.
U jakaści inicyjatyvy ŭ vajennaj halinie Biełaruś taksama ličyć nieabchodnym pryciahvać siły i srodki sistemy kalektyŭnaj biaśpieki ADKB dla ŭdziełu ŭ sumiesnych vučeńniach, pravodzimych u rehijonach kalektyŭnaj biaśpieki. Na dumku biełaruskaha boku, faktar vykarystańnia sił i srodkaŭ sistemy kalektyŭnaj biaśpieki prademanstruje mižnarodnaj supolnaści adzinstva i mahčymaści dziaržaŭ — členaŭ ADKB reahavać na vykliki i pahrozy, a taksama hatoŭnaść da sumiesnych dziejańniaŭ pa zabieśpiačeńniu kalektyŭnaj biaśpieki ŭ zonie adkaznaści ADKB. Takoje ŭzajemadziejańnie stanoŭča zarekamiendavała siabie ŭ čas
