Hetaja padzieja vyklikała vialikuju cikavaść u žycharoŭ Navapołacku i Połacku: 31 studzienia adbyłasia prezentacyja novaha centru handlu i pasłuh «Stralecki Kapitał». Viadomy połacki biznesoŭca Ŭładzimier Zacharaŭ pabudavaŭ jaho ŭ naftahoradzie z «nula». Prahrama prezentacyi była raznastajnaj: humar ad navapołackaha KVK, demanstracyja filmu pra pośpiechi Zacharava, vinšavalnyja pramovy, pierarazańnie stužki, ekskursija dla haściej pa abjekcie, navat šykoŭny salut, jaki nazirali tysiačy novapałačan, što atačyli ščylnym natoŭpam «Kapitał».
Pry hetym na prezentacyi nie było nivodnaha čynoŭnika z Navapołackaha harvykankamu i navat žurnalistaŭ miascovaj telekampanii «Vektar». Upieršyniu ŭ XXI ctahodździ na Połaččynie adbyłosia šmatludnaje publičnaje mierapryjemstva bieź jakoha-kolviečy ŭdziełu miascovych uładaŭ. Tłumačycca hetaje ihnaravańnie vodhukami daŭniaj «vajny» pamiž staršyniom Navapołackaha harvykankamu Kamarovym i biznesoŭcam Zacharavym, jakomu navapołackija ŭłady zaminali budavać handlovy centar.
A centar sapraŭdy ŭražvaje: ahulnaja płošča dvuchpaviarchovaha hmachu — 10 140 m², kolkaść abjektaŭ handlu i pasłuh — 214, stvorana 500 novych pracoŭnych miescaŭ. Planujecca, što «Kapitał» štohod budzie płacić nia mienš za 2 młrd rubloŭ padatkaŭ. U handlovym centry šyroki asartyment pramysłovych tavaraŭ — ad radyjotechniki i kamputaraŭ da nitki ź ihołkaj. I pasłuh: cyrulni, roznyja majsterni pa ramoncie, fotamajsternia, salaryja. Jość vialikaja sučasnaja praduktovaja krama, kaviarnia na 30 miescaŭ i navat bukmekierskaja kantora.
Na bankiecie z nahody adkryćcia handlovaha centru Zacharaŭ bolš za hadzinu apaviadaŭ pra svaje nastupnyja plany. Pobač z «Kapitałam» jon planuje pabudavać kryty centar dziciačych atrakcyjonaŭ.
