U adpaviednaści z Kanstytucyjaj, Saviet ministraŭ 27 śniežnia pryniaŭ pastanovu ab składańni paŭnamoctvaŭ pierad iznoŭ abranym prezydentam Biełarusi.
U adpaviednaści z častkaj treciaj artykuła 106 Kanstytucyi Respubliki Biełaruś Saviet ministraŭ Respubliki Biełaruś 27 śniežnia 2010 h. pryniaŭ pastanovu ab składańni paŭnamoctvaŭ pierad «iznoŭ abranym prezidentam Biełarusi».
daylife.com
Jak paviedamiła pres-słužba prezidenta, kiraŭnik dziaržavy pryniaŭ adstaŭku ŭrada. Novy skład Savieta ministraŭ budzie sfarmavany ŭ bližejšy čas.
Nahadajem, na minułych prezidenckich vybarach śpiecyjalnaje pasiadžeńnie Savieta ministraŭ, na jakim było pryniata rašeńnie ab adstaŭcy, adbyłosia 8 krasavika 2006 hoda, paśla cyrymonii aficyjnaha ŭstupleńnia na pasadu prezidenta Alaksandra Łukašenki.
Kandydatura prem'jer-ministra ŭnosicca prezidentam na zaćviardžeńnie parłamienta. Da farmavańnia novaha ŭrada premjer i inšyja členy ŭrada praciahvajuć vykonvać svaje abaviazki.