Pavodle źviestak Hałoŭnaha statupraŭleńnia stalicy, u listapadzie naminalnaja naličanaja siaredniamiesiačnaja zarpłata ŭ halinie skłała 2 młn. 305 tys. rubloŭ, što na 25,9% vyšejza siarednieharadski ŭzrovień apłaty pracy. Za pieryjad sa studzienia pa listapad zarpłata ŭ budaŭničaj halinie skłała 2 młn. 40 tys. rubloŭ (na 29,2% vyšej).
Rabotniki budaŭnictva atrymali samuju vysokuju apłatu pracy siarod zaniatych u śfiery materyjalnaj vytvorčaści. Za 11 miesiacaŭ hetaha hoda apłata ich pracy na 32,5% pieravysiła ŭzrovień zarpłat rabotnikaŭ pramysłovaści, na 28% — rabotnikaŭ transpartu.
Najbolš vysoki ŭzrovień apłaty pracy skłaŭsia ŭ prajektna-daśledčych arhanizacyjach (2 młn. 636 tys. rubloŭ)i ŭ haspadarčym upraŭleńni budaŭnictva (2 młn. 391 tys. rubloŭ), što adpaviedna na 29,2 i 17,2% bolš, čym u siarednim pa halinie.
Značna nižejšy ŭzrovień apłaty pracy ŭ arhanizacyjach, jakija ažyćciaŭlajuć ramont budynkaŭ i zbudavańniaŭ nievytvorčaha pryznačeńnia (1 młn. 631 tys. rubloŭ), i ŭ arhanizacyjach pa kapramoncie budynkaŭ i zbudavańniaŭ vytvorčaha pryznačeńnia (1 młn. 553 tys. rubloŭ). Hetyja pakazčyki adpaviedna na 20 i 23,9% nižej, čym u siarednim pa budaŭnictvie.
Siaredniamiesiačnaja zarpłata rabotnikaŭ budaŭniča-mantažnych arhanizacyj za studzień—listapad 2010 hoda skłała 1 młn. 967 tys. rubloŭ.
Uzrovień apłaty pracy rabotnikaŭ budaŭničych arhanizacyj dyfierencyjavany nie tolki pa halinach, ale i pa formach ułasnaści.
Samaj vysokaj za studzień—listapad apłata pracy była ŭ rabotnikaŭ budaŭničych arhanizacyj zamiežnaj formy ŭłasnaści (2 młn. 933 tys. rubloŭ). U rabotnikaŭ arhanizacyj dziaržaŭnaj formy ŭłasnaści siaredniaja zarabotnaja płata skłała 2 młn. 191 tys. rubloŭ, što vyšej za siarednieharadskuju zarabotnuju płatu dziaržaŭnych arhanizacyj na 53,7%, u rabotnikaŭ pryvatnaj formy — 1 młn. 990 tys. rubloŭ (na 15,1% bolš).