Eks-kandydatam na pasadu prezidenta Uładzimiru Niaklajevu, Vitalu Rymašeŭskamu, Mikałaju Statkieviču, Andreju Sańnikavu, Ryhoru Kastusiovu, Alesiu Michaleviču, Dźmitryju Usu, davieranaj asobie Rymašeŭskaha Paŭłu Sieviaryncu, hramadskaj aktyvistcy Naście Pałažancy, pres-sakrataru A.Sańnikava Alaksandru Atroščankavu pradjaŭlena abvinavačańnie ŭ arhanizacyi dziejańniaŭ, jakija pryviali da masavych biesparadkaŭ u Miensku 19 śniežnia padčas vuličnaj akcyi pratestu (artykuł 293 Kryminalnaha kodeksu).
Mikałaju Statkieviču vyznačany termin znachodžańnia pad vartaj — 2 miesiacy.
Artykuł 293 praduhledžvaje try častki: častka 1 -- arhanizacyja masavych biesparadkaŭ, jakija supravadžalisia hvałtam nad asobaj, pahromami, źniščeńniem majomaści, što karajecca pazbaŭleńniem voli na termin ad piaci da 15 hadoŭ.
Udzieł u masavych biesparadkach, što vylilisia ŭ niepasrednaje ŭčynieńnie dziejańniaŭ, nazvanych u pieršaj častcy, karajecca pazbaŭleńniem voli na termin ad troch da vaśmi hadoŭ.
Vystaŭlena taksama abvinavačańnie žurnalistcy, žoncy A.Sańnikava Irynie Chalip. Praŭda, nieviadoma pavodle jakoha artykuła.