Staršynia ŭrada Rasiei Uładzimir Pucin zajaviŭ, što «nie hatovy davać acenku» vybaram, jakija prajšli ŭ Biełarusi, a z parušeńniami na ich «treba raźbiracca detalova». Ab hetym jon zajaviŭ siońnia žurnalistam, paviedamlajuć rasiejskija infarmahienctvy.
«Ja nie sačyŭ za vybarami ŭ Biełarusi, ale kolkaść tych, chto prahałasavaŭ, — vidavočny fakt… Treba pavažać vybar naroda», — skazaŭ Pucin.
Što tyčycca žorstkaha razhonu demanstracyjaŭ i pryznańnia naziralnikami ABSIE vybaraŭ niesvabodnymi i niedemakratyčnymi, dyk Pucin padkreśliŭ: «Acenku rabić nie hatovy, treba raźbiracca detalova».
Nahadajem, što, pavodle aficyjnych źviestak, za Łukašenku prahałasavała 80% vybarcaŭ. Adnak na tych redkich učastkach, dzie naziralnikam dazvolili adsačyć padlik hałasoŭ, u dzień hałasavańnia Łukašenka atrymlivaŭ tolki 30–40% hałasoŭ. U dzień vybaraŭ dziasiatki tysiač ludziej vyjšli na vulicy ŭ Minsku, kab zapatrabavać «svabodnych vybaraŭ biez Łukašenki».