U balnicy zastajucca dvoje paciarpiełych ad vybuchu na zavodzie «Pinskdreŭ-DSP»

U Bresckaj abłasnoj balnicy zastajucca dvoje paciarpiełych ad vybuchu na zavodzie «Pinskdreŭ-DSP». Ab hetym paviedamiŭ BiełaPAN namieśnik hałoŭnaha doktara pa lačebnaj rabocie balnicy Tadevuš Harasimčyk.

Pavodle jaho słoŭ, heta mužčyna 1981 hoda naradžeńnia. 27 śniežnia jon byŭ pieraviedzieny z reanimacyi ŭ apiokavaje adździaleńnie. Pavodle źviestak na ranicu 29 śniežnia, jaho stan miedyki aceńvajuć jak siaredniaj ciažkaści.

Druhi pacyjent — mužčyna 1977 hoda naradžeńnia zastajecca ŭ reanimacyi. Jaho stan stabilna ciažki.

8 śniežnia z Bresckaj abłasnoj balnicy byŭ vypisany treci paciarpieły ad vybuchu — mužčyna 1976 hoda naradžeńnia. Ciapier jon znachodzicca ŭ Pinsku na ambułatornym lačeńni.

Jak paviedamiŭ namieśnik hałoŭnaha lekara Pinskaj centralnaj balnicy Andrej Navumčyk, najbližejšym časam hety mužčyna budzie nakiravany ŭ adździaleńnie rańniaj miedycynskaj reabilitacyi ich lačebnaj ustanovy dla prachodžańnia kursu reabilitacyi.

U vyniku vybuchu na zavodzie «Pinskdreŭ-DSP» 25 kastryčnika zahinuli 14 čałaviek. Cieły dvuch byli znojdzieny ratavalnikami pad zavałami, astatnija pamierli ŭ balnicach ad mocnych apiokaŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH