Kamitet Dziaržaŭnaj Dumy Rasiei pa kanstytucyjnym zakanadaŭstvie i dziaržaŭnym budaŭnictvie prapanavaŭ pryniać papraŭki da vybarčaha zakanadaŭstva. Najbolš značnaj papraŭkaj źjaŭlajecca admiena daterminovaha hałasavańnia, jakuju padrychtavaŭ śpikier Savieta federacyi Siarhiej Mironaŭ. Učora Dziaržduma pryniała ŭ druhim čytańni hetuju papraŭku.
Pakiet papravak da vybarčaha kodeksu ŭ Dumu jašče letam uniesła partyja ŭłady «Adzinaja Rasieja», ale tady z rezkaj krytykaj adnosna tych papravak vystupiŭ staršynia rasiejskaha CVK Alaksandar Višniakoŭ. Najbolš jon byŭ aburany mahčymaściu adradžeńnia praktyki daterminovaha hałasavańnia, jakoje nieadnarazova krytykavali, jak adzin z asnoŭnych instrumentaŭ falsyfikacyi vybaraŭ. Spačatku «adzinarosy» praihnaravali prapanovy Višniakova, ale ŭrešcie byli vymušanyja da ich prysłuchacca.
U Biełarusi daterminovaje hałasavańnie ŭsialak zaachvočvajecca, časam cełyja pradpryjemstvy prymušajuć hałasavać zahadzia. U im biare ŭdzieł 20-30% ad liku tych, što prychodziać na vybary. Naziralniki miarkujuć, što dateraminovaje hałasavańnie dazvalaje zapałochvać vybarcaŭ i lohka falšavać vyniki.
Fota photo.bymedia.net