Žychar Rečycy Viktar Kancavienka, davieranaja asobaeks-kandydata ŭ prezidenty Mikałaja Statkieviča, paprasiŭ palityčnaha prystanku va Ukrainie. Pra heta Kancavienka paviedamiŭ pa telefonie.
«Ciapier ja znachodžusia va Ukrainie i paprasiŭ tut palityčnaha prytułku ŭ suviazi z represijami ŭ Biełarusi i pahrozaj majoj svabodzie i žyćciu. Kali b ja zastaŭsia doma, upeŭnieny, mianie b pasadzili ŭ turmu pa nadumanym abvinavačańni i z metaj vybić pakazańni na Mikałaja Statkieviča», — rastłumačyŭ svajo rašeńnie Kancavienka.
Na prezidenckich vybarach jon byŭ kaardynataram štaba Statkieviča pa Homielskaj vobłaści.
Pavodle słoŭ aktyvista, paśla padziej 19 śniežnia ŭ Minsku za im sačyli. «Kali mianie nie było doma, da žonki prychodzili nieviadomyja, jakija nazvalisia supracoŭnikami KDB, i praviali ahlad doma, pytalisia, dzie ja. Sačyli i za mnoj, ale mnie ŭdałosia ŭciačy. Ja jechaŭ na