Alaksandr Łukašenka 31 śniežnia padpisaŭ dyrektyvu № 4 «Ab raźvićci pradprymalnickaj inicyjatyvy i stymulavańni dziełavoj aktyŭnaści ŭ Respublicy Biełaruś».
«Pa sutnaści, heta prahramny dakumient, nakiravany na nastupnuju libieralizacyju ekanomiki i raźniavoleńnie dziełavoj inicyjatyvy, stvareńnie spryjalnych umoŭ dla dynamičnaha i ŭstojlivaha raźvićcia Respubliki Biełaruś», — havorycca ŭ paviedamleńni
Dyrektyva ŭtrymlivaje dzieviać raździełaŭ,
«kožny ź jakich sfakusavany na skasavańni isnych barjeraŭ, ź jakimi sutykajucca subjekty pradprymalnickaj dziejnaści».
Najmieńni hetych raździełaŭ «sfarmulavanyja ŭ vyhladzie kanceptualnych sistemnych patrabavańniaŭ da ŭsich dziaržaŭnych orhanaŭ i arhanizacyj, hramadskich abjadnańniaŭ i hramadzian krainy»:
1. Zabiaśpiečyć dalejšaje raźvićcio dobrasumlennaj kankurencyi subjektaŭ pradprymalnickaj dziejnaści niezaležna ad formy ŭłasnaści.
2. Stvarać umovy dla bieśpieraškodnaha ažyćciaŭleńnia pradprymalnickaj dziejnaści.
3. Likvidavać zališnija administracyjnyja barjery pry ŭzajemadziejańni pamiž dziaržaŭnymi orhanami i jurydyčnymi asobami, hramadzianami.
4. Zaviaršyć harmanizacyju padatkovaj sistemy Biełarusi ź dziejnymi ŭ jeŭrapiejskich krainach. Nadać padatkovamu zakanadaŭstvu charaktar, jaki stymuluje dobrasumlennaje vykanańnie padatkovych abaviazalnictvaŭ i dziełavuju inicyjatyvu.
5. Nadać kantrolnaj (nahladnaj) dziejnaści papieradžalny charaktar, pierajści da pieravažnaha vykarystańnia prafiłaktyčnych mier, nakiravanych na praduchileńnie pravaparušeńniaŭ pry ažyćciaŭleńni pradprymalnickaj dziejnaści.
6. Udaskanalić infrastrukturu i sistemu finansavańnia małoha pradprymalnictva z metaj aktyvizacyi pradprymalnickaj dziejnaści i zabieśpiačeńnia efiektyŭnaj padtrymki pradprymalnictva (pravavoj, arhanizacyjnaj i finansavaj).
7. Vyklučyć zališniaje rehulavańnie rynku pracy.
8. Sfarmiravać pravavuju bazu, jakaja stymuluje raźvićcio ŭ Respublicy Biełaruś miechanizmaŭ
9. Zabiaśpiečyć adnaznačnaje pravavoje rehulavańnie i stabilnaść zakanadaŭstva, jakoje rehuluje pradprymalnickuju dziejnaść.
Ab tym, što dyrektyva, jakuju doŭha čakali subjekty haspadarańnia, budzie padpisanaja, Łukašenka zajaviŭ 30 śniežnia.
«Dyrektyva nie prablema, jana budzie, kali my abiacali. I my źnimiem hetaj dyrektyvaj naohuł usie prablemy i pretenzii da orhanaŭ ułady. Ale treba samomu razumieć, što biznes zaležyć tolki ad ciabie», — skazaŭ biełaruski kiraŭnik.
Pavodle słoŭ Łukašenki, biznesoŭcy pavinny nie čakać dyrektyvy, a pačynać pracavać.
«Kali b u nas naohuł nie było biznesu, to hetaje pytańnie było b darečnym. Dyrektyva pavinna dać dadatkovy šturšok da raźvićcia pradprymalnictva i pradprymalnickaj inicyjatyvy ŭ krainie. A tam, dzie vuzkija miescy, jana pavinna rasšyć ich», — zajaviŭ Łukašenka.
«Dyrektyva pa libieralizacyi pavinna dać peŭny dadatkovy šturšok. Tak što kali chtości za miažoj ci ŭ nas čakaje hetaj dyrektyvy jak mannu niabiesnuju, — heta vialikaja pamyłka. Treba ŭžo ciapier pačynać pracavać, u nas dla hetaha ŭsio jość», — adznačyŭ biełaruski kiraŭnik.