Jeŭrakamisar i Vysoki pradstaŭnik ES pa źniešniaj palitycy źjechali z Brusiela, a ŭ ich pracoŭnych hrafikach pakul niama sustrečy ź biełaruskim ministram.
«My nie možam paćvierdzić sustreču pamiž Eštan i biełaruskim ministram zamiežnych spraŭ. Takoj sustrečy ŭ hrafiku niama. Baranesa Eštan siońnia znachodzicca ŭ Łondanie», — paviedamili Jeŭraradyjo ŭ pres-słužbie Vysokaha pradstaŭnika ES pa źniešniaj palitycy.
Nahadajem, 7 studzienia pres-sakratar Ketryn Eštan Maja Kočyjančyč paviedamiła zamiežnym ŚMI ab tym, što takaja sustreča płanujecca.
Pa niekatorych źviestkach, Siarhiej Martynaŭ, mahčyma, płanavaŭ sustrecca ź jeŭrakamisaram pa pytańniach jeŭrapiejskaj palityki Štefanam Fiule. Adnak u pres-słužbie jeŭrakamisara Jeŭraradyjo paviedamili, što nie vałodajuć infarmacyjaj ab sustrečy Fiule z Martynavym na hetym tydni.
Pres-słužba Štefana Fiule: «Štefan Fiule siońnia ranicaj palacieŭ va Ŭkrainu prosta z Prahi. Jon navat nie byŭ u Brusieli, i padobnaja sustreča była fizična niemahčymaja. Jon prylacić z Ukrainy zaŭtra ŭviečary».
MZS Biełarusi paćviardžaje, što 10 studzienia Siarhiej Martynaŭ znachodzicca ŭ Brusieli. Jak paviedamiŭ BiełaPAN pres-sakratar biełaruskaha źniešniepalityčnaha viedamstva Andrej Savinych, «ministr pracuje pa svaim hrafiku pracoŭnych sustreč i kansultacyj». Častka hetych sustreč projdzie ŭ Brusieli. Bolš padrabiaznuju infarmacyju jon nazyvać pakul admoviŭsia.
Jeŭraradyjo
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
