Pavodle infarmacyi pres-sakratara Baranavickaha HAUS Natalli Siadzielnik, dniom 7 studzienia troje chłapčukoŭ-kaladoŭščykaŭ (vučni 7 i 6 kłasaŭ) zajšli ŭ adnu z kvater pa vulicy 50 hadoŭ VŁKSM, kab pavinšavać haspadaroŭ sa śviatam. Dźviery adčyniŭ małady čałaviek i zaprasiŭ padletkaŭ prajści ŭ kvateru.
«Dalej padziei stali raźvivacca pa niezvyčajnym scenary: zamiest taho, kab zrabić haściam padarunak, małady čałaviek, pahražajučy, adabraŭ u niepaŭnaletnich usio, što jany da hetaha momantu nakaladavali – cukierki, sadavinu, niekalki tysiač rubloŭ», – raspaviała Natalla Siadzielnik.
Ahulnaja škoda vykradzienaha skłała bolš za 20 tysiač rubloŭ.
Pa zajavie baćkoŭ adnaho z paciarpiełych 8 studzienia ŭ dačynieńni da maładoha čałavieka – 18-hadovaha, raniej užo sudzimaha haradžanina – raspačataja kryminalnaja sprava pavodle artykuła «rabavańnie».