«Moskovskij komsomolec» pamyliŭsia: u filmie byli sapraŭdnyja Breus i Jeŭdakimaŭ abnoŭlena 6

«Dvuch abvinavačanych u arhanizacyi biesparadkaŭ — niejkich Maksima Breusa i Alaksieja Jeŭdakimava — pa biełaruskim telebačańni pakazali ŭ prajm-tajm u niadzielu. Jany raskazvali pra svoj udzieł u padziejach 19 śniežnia. Praŭładnyja naziralniki ŭžo bačać u «sprobie źviaržeńnia Łukašenki» i ruku mahutnaj Maskvy! Prablema, adnak, zaklučajecca ŭ tym,

što pakazanych zatrymanych nie isnuje ŭ pryrodzie. Sapraŭdnyja rasiejcy viny nie pryznajuć i ŭ zdymkach nie ŭdzielničali», —

heta napisała rasijskaja hazieta «Moskovskij komsomolec».

Raniej paviedamlałasia pra toje, što dvoje zatrymanych rasiejcaŭ, jakim pradjaŭlenaje abvinavačvańnie, — heta Arciom Breus i Ivan Haponaŭ.

— Z samaha pačatku my akazvali Arciomu i Ivanu ŭsiu nieabchodnuju dapamohu. Ich ŭtrymlivajuć u SIZA KDB. My sustrakalisia 31 śniežnia, 3, 5 studzienia, pavinny pabačycca i siońnia, — raspavioŭ «MK» pradstaŭnik ambasady RF u Biełarusi Vadzim Husieŭ.

Pa słovach Husieva, Arciom i Ivan pa-raniejšamu nastojvajuć na svajoj absalutnaj nievinavataści i patrabujuć najchutčejšaha vyzvaleńnia. Udziełu ŭ zdymkach filma jany nie prymali.

«Biełaruskim uładam ciapier jak pavietra patrebny «mižnarodny śled» u spravie ab pahromie, — miarkuje maskoŭskaja hazieta. — Tady dla jeŭrapiejskaha hledača karcinka budzie vyhladać zavieršanaj:

Maskva chacieła zvalić zakonna abranaha Łukašenku, ale toj ŭsiedzieŭ i musiŭ raspačać suprać pahromščykaŭ represii».

Breus i Haponaŭ majuć rasiejskaje hramadzianstva, ale abodva nie pražyvajuć u Rasii. Pieršy pryjechaŭ u Minsk z Estonii, maje padvojnaje rasiejska-estonskaje hramadzianstva. 27-hadovy Arciom pracavaŭ u Biełarusi dyzajnieram mebli. 22-hadovy Ivan pražyvaje pad Minskam. «Letaś Vania sprabavaŭ pastupić u BDU na biudžetnaje adździaleńnie fiłałahičnaha fakulteta, ale nie atrymałasia. Jon vielmi tvorčy čałaviek, piša vieršy, zachaplajecca paezijaj srebranaha vieku», — raspaviadaje mama Ivana, Sabira Haponava.

Ad Redakcyi «Našaj Nivy»: viersija «Moskovskoho komsomolca» niedakładnaja. Niapraŭda, što zamiest zatrymanych rasiejcaŭ pakazali padstaŭnych.

Jeŭdakimaŭ zatrymlivaŭsia, ale suprać jaho nie raspačataja kryminalnaja sprava. Što da Breusa, to na fota, pavodle našych źviestak, sapraŭdy Arciom Breus.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH