Kiraŭnika najbujniejšaha banka krainy — «Biełarusbanka» — Nadzieju Jermakovu vyvieli z składu praŭleńnia Nacyjanalnaha banka Biełarusi.
Nahadajem, što mienavita Nadzieja Jermakova ŭ kastryčniku minułaha hoda zładziła pierapałoch, zajaviŭšy, što fiksujecca rezki adtok rublovych układaŭ z bankaŭskaj sistemy krainy, i heta surjozna padahreła valutny ažyjataž. Jermakovu navat vymušanyja byli abviarhać pradstaŭniki Nacyjanalnaha banka.
Tym nie mienš rašeńnie vyvieści kiraŭnika «Biełarusbanka» sa składu praŭleńnia Nacyjanalnaha banka nie źviazana ź niejkimi kryŭdami abo «intryhami» suprać ziamlački Alaksandra Łukašenki. U adpaviednaści z novaj kancepcyjaj kiravańnia bankaŭskaj sistemaj, u kiraŭnictvie Nacbanka naohuł nie budzie starońnich ludziej, navat pradstaŭnikoŭ urada.
