Arhanizatary Miunchienskaj kanfierencyi pa biaśpiecy skasavali zaprašeńnie biełaruskamu ministru zamiežnych spravaŭ. Nahodaj stali paślavybarnyja represii ŭ Biełarusi. Kanfierencyja pryznačanaja na pačatak lutaha, paviedamlaje polskaje ahienctva RAR.
Arhanizatary adznačyli: štohadovaja Miunchienskaja kanfierencyja źjaŭlajecca pryvatnaj, a nie dziaržaŭnaj. Tamu rašeńnie pra admovu šefu biełaruskaha MZS nie varta źviazvać z pazicyjaj niamieckaha ŭradu.
U imprezie prymuć udzieł 350 čałaviek — pradstaŭniki ŭradaŭ, parłamientaŭ, mižnarodnych arhanizacyjaŭ, a taksama ekśpierty i publicysty. Arhanizatary čakajuć 70 aficyjnych delehacyj, u tym liku 12 kiraŭnikoŭ krain i kala 50 ministraŭ zamiežnych spravaŭ i abarony.
Siarod zaprošanych haściej sakratar Dziarždepartamienta ZŠA Chiłary Klintan, kancler Niamieččyny Anhieła Mierkiel, ministr zamiežnych spravaŭ Rasii Siarhiej Łaŭroŭ, brytanski premjer Devid Kemieran, hiensakratar AAN Pan Hi Mun, hiensakratar NATO Anders Foh Rasmusen, prezident Jeŭrapiejskaha savieta Hierman van Rampej.
