Nieŭzabavie moža paŭstać sajuz levych partyjaŭ. Z takoj prapanovaj vystupili pradstaŭniki Biełaruskaj sacyjał-demakratyčnaj partyi (Hramada) i Partyi kamunistaŭ Biełaruskaj. U sajuz maje ŭvajści taksama Partyja žančyn «Nadzieja».
Pavodle papiaredniaj infarmacy, novaje ŭtvareńnie atrymaje nazvu Sajuz levych partyj abo Sacyjał-demakratyčny sajuz. Hałoŭnym orhanam sajuzu budzie Kanferencyja.
Sa zhody ŭsich partyjaŭ-zasnavalnicaŭ da SDS na pravoch udzielnicaŭ abo naziralnicaŭ mohuć dałučycca inšyja siły.
Alena Skryhan (PKB) tłumačyć: «Partyi-zasnavalnicy sajuzu dziejničajuć u ramkach adzinaha demakratyčnaha ruchu i nie niasuć jamu nijakaj pahrozy. Robicca heta dla ŭzhadnieńnia našych pazycyjaŭ». Na jaje dumku levyja partyi Biełarusi majuć šmat supolnaha ŭ svaich prahramach, ale časta dziejničajuć z roznych pazycyjaŭ. «Budučy sajuz dazvolić nam pracavać bolš efektyŭna. Što budzie na karyść demakratyčnamu ruchu».
Adzin z baćkoŭ Biełaruskaj sacyjał-demakratyčnaj hramady Anatol Sidarevič razasłaŭ adnapartyjcam z BSDP (Hramada) list z rezkaj krytykaj idei abjadnańnia. Na jahonuju dumku, niedapuščalna «addavać ściah sacyjał-demakratyi kamunistam». Jon nahadvaje, što ŭ prahramie PKB niama admovy ad spadčyny KPSS–KPB i asudžeńnia stalinskaha teroru. Miž tym u im zahinuli ŭ tym liku histaryčnyja lidery biełaruskaj sacyjał-demakratyi Taraškievič, Łuckievič, Smolič.
Lider kamunistaŭ Siarhiej Kalakin paśladoŭna vystupaŭ suprać dyktatury i sajuz z usim spektram demakratyčnych partyj.
Lider BSDP (Hramady) Alaksandar Kazulin adbyvaje pakarańnie ŭ turmie, 34-y dzień trymaje tam haładoŭku pratestu.
Na miascovych vybarach PKB vystaviła kala 150-ci, a Hramada kala sotni kandydataŭ.
Fota Andreja Lankieviča
