Jak čakajecca, siońnia Rada Eŭrapiejskaha źviazu uchvalić rašeńnie ab sankcyjach suprać biełaruskich uładaŭ za niedemakratyčnyja vybary prezydenta i razhortvańnie chvali represijaŭ paśla ich. ZŠA majuć namier uvieści svaje dadatkovyja sankcyi suprać aficyjnaha Miensku adnačasova z Eŭraźviazam.
Takim čynam ZŠA i Eŭraźviaz źbirajucca vystupić z adzinym mižnarodnym pasłańniem na adras biełaruskich uładaŭ.
Pasiedžańnie Rady Eŭraźviazu ŭ mižnarodnych spravach, na jakoje źbiarucca kiraŭniki 27 źniešniepalityčnych viedamstvaŭ
U śpisie asobaŭ, jakija traplajuć pad vizavyja sankcyi Eŭraźviazu, ažno try Łukašenki: Alaksandar, Viktar i Dźmitry, a taksama 117 asobaŭ, vinavatych u masavych represijach suprać apazycyi.
Razam z tymi biełaruskimi čynoŭnikami, suprać kaho sankcyi dziejničali z 2006 hodu, ahulny śpis niežadanych u Eŭraźviazie asobaŭ ź Biełarusi składzie 158 proźviščaŭ.
Siarod 117 novych proźviščaŭ u śpisie taksama Jury Žadobin (ministar abarony); Leanid Malcaŭ (sakratar Savietu biaśpieki); Vadzim Zajcaŭ (staršynia KDB), Uładzimier Makiej (kiraŭnik administracyi Łukašenki); Ryhor Vasilevič (hieneralny prakuror) i Ŭładzimier Andrejčanka (kiraŭnik nižniaj pałaty parlamentu).
Novy śpis taksama ŭklučaje ŭ siabie 24 kiraŭniki rehijanalnych i centralnych vybarčych kamisijaŭ, 30 jurystaŭ i 10 žurnalistaŭ, tak zvanych «prapahandystaŭ Łukašenki».
Ministry zamiežnych spraŭ krain Eŭraźviazu taksama vyrašać, jaki typ ekanamičnych sankcyjaŭ uvieści suprać aficyjnaha Miensku. Mahčymaja zabarona handlu naftapraduktami kancernu «Biełnaftachim» i ŭhnajeńniami «Biełaruśkaliju» na terytoryi Eŭraźviazu. Razhladajecca taksama mahčymaść blakavańnia dapamohi Biełarusi z boku MVF, Eŭrapiejskaha investycyjnaha banku i Eŭrapiejskaha banku rekanstrukcyi i raźvićcia.
ZŠA adnačasova z Bruselem źbirajucca ŭvieści svaje «dadatkovyja sankcyi». Jak i Eŭraźviaz, ZŠA planujuć pašyryć śpis aficyjnych asobaŭ ź Biełarusi, jakim budzie zabaronieny ŭjezd u Złučanyja Štaty i aktyvy jakich majuć być zamarožanyja, a taksama adnavić zabaronu na handal ź «Biełnaftachimam».
Adnačasova Eŭraźviaz i ZŠA planujuć pašyryć dapamohu biełaruskaj hramadziasnkaj supolnaści. U pryvatnaści ZŠA źbirajucca pavialičyć svaju dapamohu niaŭradavym arhanizacyjam Biełarusi na 30 pracentaŭ.
