Udzieł u imprezie voźmuć viadomyja litaratary: Juraś Barysievič, Vika Trenas, Volha Hapiejeva, Źmicier Višnioŭ, Andreja Chadanoviča i inšyja.
Pačatak a 18.30.
Adras halerei «Padziemka» – pr. Skaryny (Niezaležnaści), 43
Vytrymki z recenzii:
…«Valancina H.» – dama pryjemnaja va ŭsich adnosinach, navat kali zmyć ź jaje ŭsiu kasmetyku «firmovaha» stylu Alhierda Bachareviča. Što da ŭłasna prozy, to teksty ŭ knizie pradstaŭlenyja vielmi roznyja: ad niby schavanaha pad matavym škłom «Pryvatnaha plažu na ŭźbiarežžy Lety» da sproby napisać svaju alternatyŭnuju historyju Biełarusi ŭ apaviadańni «Najnoŭšaja historyju Paleśsia», ad znajomaha ŭsim prychilnikam tvorčaści aŭtara «Talentu zaikańnia» da zmročnaha «Pejdžara»… Naprykancy knihi źmieščanaje daścipnaje listavańnie Bachareviča ź Ju.Barysievičam, jakoje niekatoryja krytyki ŭžo nazvali pseŭdainterviju, a inšyja – idealnym tekstam. Tak što skazać, što «Nijakaj litaści Valancinie H.» – vydańnie celnaje, nielha.. Časam Bacharevič zahłyblajecca ŭ niešta padobnaje da satyry, časam paŭstaje pierad čytačom jak tonki liryk, časam žorstka łajecca, ale, da jahonaha honaru, nivodnaha razu nie apuskajecca ŭ svaich tvorach da žurnalizmu, jaki, jak pryznajecca aŭtar, jon nienavidzić ź dziacinstva. Vidavočna, słova «raman» aŭtar baicca – bo inakš jon nia staŭ by nazyvać usie tvory knihi apaviadańniami (a ichny pamier vahajecca ad 3 da 100 staronak). Zatoje da čytača Bacharevič biaźlitasny: teksty ŭ knizie raźmieščanyja ŭ takim paradku, kab kožny nastrojeny na zajmalnaje čytvo zaharnuŭ knihu na pieršaj ža staroncy. Niekatoryja z tvoraŭ, što ŭvajšli ŭ knihu, drukavalisia ŭ dziaržaŭnych, jak, naprykład, «Maładość», i antydziaržaŭnych («Naša niva») časopisach i hazetach. A ciapier pahavorym narešcie pra biełaruskich kandydataŭ na Nobieleŭskuju premiju pa litaratury, jakija, ułasna, i byli hałoŭnaj temaj dadzienaha artykułu.
